12:40, 29 - ناۋرىز 2020 | GMT +6
اتىراۋدا كوروناۆيرۋس 20 جاستاعى ستۋدەنتتەن تابىلدى
اتىراۋ. قازاقپارات - «الماتى- اتىراۋ» باعىتىنداعى جولاۋشىدان الىنعان تەست وڭ ناتيجە كورسەتتى، دەپ حابارلايدى قازاقپارات اتىراۋ وبلىستىق دەنساۋلىق ساقتاۋ باسقارماسىنا سىلتەمە جاساپ.
بۇگىن، 29 -ناۋرىزدا اتىراۋ وبلىسىندا كوروناۆيرۋس جۇقتىرۋدىڭ التىنشى وقيعاسى راستالدى. اتىراۋدا ىندەتكە شالدىققان ناۋقاس 17 - ناۋرىزدا الماتىدان ۇشىپ كەلگەن 20 جاستاعى ستۋدەنت بولىپ شىقتى. جاس ەر ادام وقشاۋلانىپ، اۋرۋحانانىڭ ينفەكتسيالىق بولىمىنە جەتكىزىلدى. بۇعان دەيىن اتىراۋ وبلىسىندا كوروناۆيرۋس ينفەكتسياسىن جۇقتىرۋدىڭ بەس وقيعاسى تۋرالى حابارلانعان. اۋرۋعا شالدىققان ادامداردىڭ بارلىعى قازىرگى كەزدە ەم الىپ جاتىر.