الماتىدا كوروناۆيرۋستىڭ 20 وشاعى انىقتالدى

None
None
الماتى. قازاقپارات - الماتىدا سانەپيدەميولوگتار 20 وشاقتى باقىلاۋعا الدى.

بۇل تۋرالى قالالىق اكىمدىكتىڭ باسپا ءسوز قىزمەتى مالىمدەدى، دەپ حابارلايدى قازاقپارات ءتىلشىسى.

الماتى قالاسى تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ دەرەگى بويىنشا، بۇگىن الماتىدا كوروناۆيرۋس شىققان وشاقتىڭ سانى 20 عا جەتتى. قازىر سانيتارلىق ماماندار كىرەبەرىستە كۇشەيتىلگەن دەزينفەكتسيالىق رەجىم ەنگىزىپ جاتىر.

باسقا ۇيلەردىڭ تۇرعىندارىنىڭ قوزعالىسى مەن كىرۋىنە شەكتەۋ قويىلدى. كارانتين رەجىمى مەرزىم اياقتالعاننان كەيىن الىنىپ تاستالادى.

م. اۋەزوۆ اۋدانىندا 2 جۇقتىرۋ وشاعى - جەتىسۋ-2 ىقشاماۋدانى 70ا- ءۇي؛ مامىر-4 ىقشاماۋدانى 313 ۇيدە ورنالاسقان. الاتاۋ اۋدانىندا 5 جۇقتىرۋ وشاعى - زاريا-ۆوستوك ىقشاماۋدانى، سارىوي كوشەسى 234- ءۇي؛ اقكەنت ىقشاماۋدانى 7- ءۇي؛ اقبۇلاق ىقشاماۋدانى 9-ۇيدە ورنالاسقان.

المالى اۋدانى بويىنشا 3 وشاق - جەلتوقسان كوشەسى 125- ءۇي؛ جاروكوۆ كوشەسى 16- ءۇي؛ جاروكوۆ كوشەسى 7-ۇيدە ورنالاسقان.

مەدەۋ اۋدانىندا 4 وشاق تىركەلدى. ولار زەنكوۆ كوشەسى 59- ءۇي؛ دوستىق كوشەسى 162- ءۇي؛ گوگول كوشەسى 75؛ قونايەۆ كوشەسى 62-ۇيدە.

جەتىسۋ اۋدانىندا 2 وشاق - ەڭلىكگۇل كوشەسىندەگى 34ا- ءۇي، ۆولوچايەۆسكايا كوشەسىندەگى 51-ۇيدە تىركەلدى.

تۇركسىب اۋدانىندا 5 وشاق - التاي-1 اۋدانى 8- ءۇي؛ «جاس قانات» ىقشاماۋدانى 86- ءۇي؛ مايلين كوشەسى 77- ءۇي؛ سپاسسكايا كوشەسى 63- ءۇي؛ جۇلدىز-2 ىقشاماۋدانىنداعى 45- ءۇي بەلگىلەندى.

بوستاندىق اۋدانىندا 1 وشاق - تۇرعىت ءوزال كوشەسىندەگى 242- ءۇي.

ايتا كەتۋ كەرەك، زەنكوۆ كوشەسىندەگى 59- ءۇيدىڭ تۇرعىنى بۇگىن جازىلىپ شىققان بولاتىن. بۇل مەكەنجايدان 27- ناۋرىز ساعات 00:00 دەن باستاپ شەكتەۋ شارالارى الىنادى. ايەل 14 كۇن ىشىندە ءۇي كارانتينىندە بولادى، مەديتسينا قىزمەتكەرلەرى دەنساۋلىق جاعدايىنا مونيتورينگ جۇرگىزەدى.

قالا بيلىگى الماتىلىقتاردى كارانتين رەجىمىن قاتاڭ ساقتاۋعا، كارانتيندىك اۋماقتىڭ ىشىندە جۇرۋدەن اۋلاق بولۋعا، جەكە گيگيەنا شارالارىن ساقتاۋعا، تۋىس، دوس، ارىپتەستەرىمەن قارىم-قاتىناستى شەكتەۋدى سۇرايدى.

مۇنداعى ماقسات - ءار ادامنىڭ ءوزىن كوروناۆيرۋس ينفەكتسياسىن جۇقتىرۋدان ساقتاۋ، جاقىندارى جانە اينالاسىنداعىلارعا دا جۇقتىرۋ قاۋپىن تومەندەتۋ.

قالا اكىمدىگى، مەديتسينالىق جانە سانيتارلىق-ەپيدەميولوگيالىق باقىلاۋ قىزمەتتەرى تاراپىنان ىندەتتىڭ وشاق اۋماعىنان تىس جەرگە تارالىپ كەتپەۋى ءۇشىن كۇشەيتىلگەن ءىس-شارالار اتقارىلۋدا.

سوڭعى جاڭالىقتار