+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

قازاقپارات كۇنتىزبەسى: 20- قاڭتار

20 قاڭتار 07:31
:ءبولىسۋ
قازاقپارات كۇنتىزبەسى: 20- قاڭتار

نۇر-سۇلتان. قازاقپارات - قازاقپارات وقىرماندارىنا 2020-جىلعى 20- قاڭتارعا ارنالعان كۇنتىزبەسىن ۇسىنادى.

اتاۋلى كۇندەر

ازەربايجاندا بۇكىلحالىقتىق ازا تۇتۋ كۇنى

1990-جىلى 00 ساعات 20 مينۋتتا ك س ر و- نىڭ باسقا وڭىرلەرىنەن كەلگەن سوۆەت اسكەرى ازەربايجان ك س ر جوعارعى كەڭەسى پرەزيديۋمىنىڭ كەلىسىمىنسىز باكۋ قالاسىنا باسا-كوكتەپ كىرىپ، ك س ر و جانە ازەربايجان ك س ر كونستيتۋتسيالارىن، سونداي-اق رەسپۋبليكانىڭ ەگەمەندىگى تۋرالى كونستيتۋتسيالىق زاڭدى ورەسكەل بۇزدى.

قارۋلى اكسيا سالدارىنان جۇزدەن استام بەيبىت تۇرعىن، نەگىزىنەن ازەربايجاندار قازا تاپتى. قايعىلى وقيعالاردىڭ سەبەپتەرى مەن سالدارىن تەكسەرۋ جونىندەگى رەسپۋبليكالىق كوميسسيانىڭ دەرەكتەرىنە سايكەس، 131 ادام قازا تاۋىپ، 744 ادام جارالانعان. سول كۇن «قارالى قاڭتار» دەگەن اتپەن ازەربايجان تاريحىندا قالدى.

ەستە قالار وقيعالار

1919-جىلى قازىرگى الماتىدا جەتىسۋ جىرشى-اقىندارىنىڭ سلەتى ءوتتى. وعان حالىق اقىنى جامبىل جابايەۆ تا قاتىستى.

1932-جىلى قازاق ولكەلىك كوميتەتىنىڭ 3-پلەنۋمىنىڭ قاۋلىسىمەن «سوۆەتسكايا ستەپ» گازەتى «كازاحستانسكايا پراۆدا» بولىپ وزگەردى.

1984-جىلى قازاق ك س ر جوعارعى كەڭەسى ءتورالقاسىنىڭ جارلىعىمەن «قازاق ك س ر- ءىنىڭ حالىق جازۋشىسى» قۇرمەتتى اتاعى بەكىتىلدى. قۇرمەتتى اتاقتى العاشقىلاردىڭ ءبىرى بولىپ عابيت مۇسىرەپوۆ، دميتري سنەگين، تۇرسىنحان ءابدىراحمانوۆا يەلەندى. 1999-جىلدان باستاپ «قازاقستاننىڭ حالىق جازۋشىسى» اتاعىن بەرۋ توقتاتىلدى.

1994-جىلى «بايقوڭىر» عارىش ايلاعىنان «گالس» تەلەحابار تاراتۋدىڭ العاشقى عارىشتىق قوندىرعىسى ۇشىرىلدى.

1994-جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جارلىعىمەن قازاقستاننىڭ مامانداندىرىلعان كوممەرتسيالىق جيناق بانكى حالىق بانكى بولىپ قايتا قۇرىلدى.

1996-جىلى قازاقستاننىڭ ەكى پالاتالى پارلامەنتى - زاڭنامالىق قىزمەتتەردى اتقاراتىن قازاقستان رەسپۋبليكاسىنىڭ جوعارى وكىلەتتى ورگانى ءوز جۇمىسىن باستادى.

2009-جىلى «قازپوشتا» ا ق ەكىنشى ۇلتتىق حالىق ساناعىنا ارنالعان پوشتا كونۆەرتىن اينالىمعا شىعاردى. «Kazpost» تاڭبالى كونۆەرتتە ەكىنشى ۇلتتىق حالىق ساناعىنىڭ بەلگىسى مەن «ەلتاڭبا» ستاندارتتى پوشتا ماركاسى باسىلعان. كولەمى 220x 110 م م- لىك كونۆەرت - 1 ميلليون دانا.

2010-جىلى اقوردادا يادرولىق قارۋدى تاراتپاۋ جونىندە ق ر پرەزيدەنتى جانىنان قۇرىلعان كوميسسيانىڭ العاشقى وتىرىسى ءوتتى.

ءماجىلىس بارىسىندا يادرولىق قارۋدى تاراتپاۋ، قازاقستاننىڭ وسى سالاداعى حالىقارالىق سەرىكتەستىكتەرى مەن ۆاشينگتوندا وتەتىن سامميتكە قاتىساتىن قازاقستان دەلەگاتسياسىنىڭ دايىندىعى تالقىلاندى.

2010-جىلى قورعانىس ءمينيسترىنىڭ ورىنباسارى گەنەرال-لەيتەنانت بولات سەمبينوۆتىڭ باسشىلىعىمەن قازاقستاندىق دەلەگاتسيانىڭ بريۋسسەلگە ساپارى بارىسىندا «ناتو+قازاقستان» فورماتىندا وتىرىس ءوتتى، وندا ناتومەن قازاقستان ارىپتەستىگىنىڭ جەكە ءىس-قيمىل جوسپارىنىڭ (ءا ج ءى ج) ەكىنشى تسيكلى ماقۇلدانىپ، قابىلداندى.

2012-جىلى مەملەكەت باسشىسى نۇرسۇلتان نازاربايەۆ جاڭادان سايلانعان، ءۇش پارتيا وكىلدەرى ەنگەن V شاقىرىلىمداعى ق ر پارلامەنتىنىڭ ءبىرىنشى سەسسياسىن اشتى. 2012-جىلدىڭ 15- قاڭتارىندا بولعان كەزەكتەن تىس سايلاۋدا ءۇش ساياسي پارتيا: «نۇر وتان» ح د پ، «اق جول» پارتياسى مەن قازاقستاننىڭ ۇلتتىق كوممۋنيستىك پارتياسى جەتكىلىكتى داۋىس جيناپ، پارلامەنت ماجىلىسىنە ءوتتى.

2015-جىلى سوعىس ارداگەرلەرى مەن تىل ەڭبەككەرلەرىنىڭ ەرلىگى، قاھارماندىعى مەن قايسارلىعى ءۇشىن مەملەكەت باسشىسى نۇرسۇلتان نازاربايەۆ «1941 - 1945 ج. ج. ۇلى وتان سوعىسىنداعى جەڭىسكە 70 جىل»

ءبىرىڭعاي مەرەكەلىك مەدالى تۋرالى» جارلىققا قول قويدى.

2016-جىلى الماتىدا مۇرات مۇتىرعانوۆتىڭ سيرك ستۋدياسى اشىلدى. ق ر تۇڭعىش پرەزيدەنت قورىنىڭ ارقاسىندا از قامتىلعان وتباسىلاردىڭ بالالارى سيرك ستۋدياسىندا تەگىن ءبىلىم الادى.

2018-جىلى قازاقستان رەسپۋبليكاسى مەن فرانسيا رەسپۋبليكاسى اباي مەن جيۋل ۆەرننىڭ قۇرمەتىنە «اباي- ۆەرن» ستيپەنديا باعدارلاماسىن بەكىتتى. بۇل باعدارلامانى فرانسيا ۇكىمەتى «حالىقارالىق باعدارلامالار ورتالىعى» ا ق- مەن بىرلەسىپ قارجىلاندىرۋدا. باعدارلاما جىل سايىن 100 ستيپەنديا تاعايىندايدى.

2018-جىلى الەمدەگى ءىرى كىتاپحانالاردىڭ ءبىرى - نيۋ-يورك كىتاپحاناسىندا قازاق ادەبيەتى مەن مادەنيەتى ورتالىعىنىڭ سالتاناتتى اشىلۋى ءوتتى.

2019-جىلى ماسكەۋدەگى ترەتياكوۆ گالەرەياسىندا «قازاق حاندىعى. الماس قىلىش» فيلمىنىڭ ارنايى كورسەتىلىمى بولدى.

تاريحي جوبانىڭ اۆتورى – ق ر پرەزيدەنتى ن. نازاربايەۆ. فيلم ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» ا ق «Centaurus Rustem Abdrashev production» ج ش س- نىڭ قاتىسۋىمەن تۇسىرىلگەن. فيلم سەناريىن جازۋشى سماعۇل ەلۋباي ءىلياس ەسەنبەرليننىڭ «الماس قىلىش» رومانىنىڭ جەلىسى بويىنشا دايىنداعان.

«الماس قىلىشتى» تۇسىرۋگە ەكى جىل ۋاقىت كەتكەن.

2019-جىلى قازاقستان العاش رەت گەرمانيادا وتكەن اۋقىمدى حالىقارالىق اۋىلشارۋاشىلىق كورمەسىنە قاتىستى. وعان الەمنىڭ 65 ەلىنەن 1700 كومپانيا قاتىستى.

ەلىمىز وتاندىق 10 اۋىلشارۋاشىلىعى تاۋارلارىن وندىرۋشىلەردىڭ ءونىمىن تانىستىردى. ولار جاقسى دايىندىقپەن بارىپ، بەرليندە ءونىمنىڭ ءتۇر-ءتۇرىن كورسەتتى. جەنت، قۇرت جانە حالۋادان باستاپ تانىمال قازاقستاندىق شوكولادقا دەيىن. تاتتىدەن بولەك تۇيە ءسۇتى مەن بالىق اكەلىندى. ءبىراق كوپشىلىك بيە سۇتىنەن جاسالعان شوكولادقا تاڭداندى. قانت پەن ترانسماي قوسىلماعان ءونىمدى شەتەلدىكتەر بىرەگەي دەپ تانىپ، راحاتتانا ءدامىن تاتتى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات