ايعا ۇشۋ ءۇشىن سەرىك ىزدەگەن ميللياردەرگە 20 مىڭ ارۋ ءوتىنىش بىلدىرگەن

None
None
نۇر-سۇلتان. قازاقپارات - جاپوندىق ميللياردەر يۋساكۋ ماەدزاۆا وزىمەن بىرگە ايدى باعىندىرۋعا دايىن ارۋدى ىزدەستىرىپ، ارنايى بايقاۋ جاريالاعان ەدى.

انىقتالعانداي، قاتاڭ ىرىكتەۋدەن ءوتىپ، اۋقاتتى ەر ادامنىڭ سۇيىكتىسى بولۋ ءۇشىن 20 مىڭنان استام نازىك جاندى ءوتىنىم تاستاعان دەپ حابارلايدى lenta.ru.

20 мың ару миллиардермен бірге ғарышқа ұшу үшін өтініш білдірген

بايقاۋ قاتىسۋشىلارىنىڭ سانى تۋرالى مالىمەتتەردى AbemaTV ستريمينگتىك سەرۆيسى كەلتىردى. ماەدزاۆانىڭ ايتۋىنشا، ول ومىرلىك سەرىگىن تاۋىپ، شىنايى قارىم-قاتىناس قۇرۋدى قالايدى ەكەن.

عاشىعىن ىزدەگەن ميللياردەر ءتىپتى، Full Moon Lovers اتتى تەلەشوۋدى جارىققا شىعاردى. ول وزىمەن بىرگە عارىشقا اتتاناتىن سۇيىكتىسىن ءدال وسى شوۋ ارقىلى انىقتاماق. وعان 20 جاستان اسقان ارۋلار قاتىسا الادى.

بايقاۋ قاتىسۋشىلارى ميللياردەرمەن قانشالىقتى سايكەس ەكەنىن انىقتايتىن ساۋالناما تولتىردى. ولارعا: «جەكە ۇشاعىڭىز بولسا، قاي جەرگە اتتانار ەدىڭىز؟»، «ەگەر ماەدزاۆا كوزىڭىزشە گاز شىعارسا، نە ىستەيسىز؟» دەگەن ساۋالدار قويىلدى. ارۋلاردىڭ ءار جاۋابى ميللياردەردىڭ كۇلىپ نە مۇڭايىپ تۇرعان بەت ءجۇزى بەينەلەنگەن سۋرەتتەرمەن باعالاندى.

جوسپار بويىنشا، ەفيردە ەر ادام بىرنەشە ۇمىتكەرمەن كەزدەسۋ ۇيىمداستىرماق. ال ءوزىنىڭ جۇرەگىن جاۋلاپ، ايدى باعىندىرۋعا دايىن سۇيىكتىسىن ميللياردەرمەن 2020-جىلدىڭ ناۋرىز ايىندا انىقتايدى ەكەن.

44 جاستاعى ماەدزاۆا — سانگەر جانە كيىم ساتاتىن Zozo ونلاين دۇكەنىنىڭ يەسى. Forbes ونىڭ بايلىعىن 2 ميلليارد دوللارعا باعالاپ وتىر. ول اي وربيتاسىنا اتتانعان العاشقى عارىشتىق ساياحاتشى بولماق. ۇشۋدى امەريكالىق كاسىپكەر يلون ماسكتىڭ SpaceX كومپانياسى ۇيىمداستىرماق.

2019-جىلدىڭ قىركۇيەگىندە جاپوندىق ميللياردەر كومپانياسىنداعى باقىلاۋ پاكەت اكتسياسىن ساتىپ جىبەرىپ، وزىندە تەك باس ديرەكتور قىزمەتىن قالدىردى.


سوڭعى جاڭالىقتار