تۇركىستاندىق پوليتسەيلەر 20 مىڭنان اسا حالىقتىڭ ارىز-شاعىمىن قابىلدادى
ازاماتتار ءوز ءۋاجىن ءساۋىر ايىندا باستاۋ العان «جولدا قابىلداۋ» اكسياسى اياسىندا جەتكىزدى، دەپ حابارلايدى قازاقپارات ءتىلشىسى.
وبلىستىق پ د باسپا ءسوز قىزمەتىنىڭ مالىمەتىنشە، اكسيا اياسىندا كومەككە جۇگىنگەندەردىڭ ماسەلەلەرى جەدەل تۇردە شەشىلگەن. ال، قاراشا ايىندا كەزەكتى رەت وتكەن اكتسيا بارىسىندا وبلىس ورتالىعىنداعى كوشەلەرگە بەينەباقىلاۋ كامەرالارى ورناتىلعان. ءتۇرلى قۇقىق بۇزۋ فاكتىلەرىنىڭ الدىن الاتىن جۇمىستار جاندانۋدا. جۇرگىزۋشىلەردىڭ ورەسكەل زاڭبۇزۋشىلىقتارى ءاپ-ساتتە تىركەلىپ، ايىپپۇل سالىنىپ وتىرادى.
كەزەكتى اكتسياعا كەلگەن تۇرعىنداردىڭ باسىم كوپشىلىگى وسى سىندى ماسەلەلەلەرىن پوليتسەيلەرگە جەتكىزگەن. كەزەكسىز كەز كەلگەن تۇرعىندى قابىلداعان ءتارتىپ ساقشىلارى ازاماتتاردىڭ ماسەلەلەرىنىڭ تەز ارادا شەشىلۋىنە سەپ بولۋدا.
ودان بولەك الەۋمەتتىك جەلىدەگى دەپارتامەنتتىڭ رەسمي پاراقشالارىندا وسى سارىندى سۇراقتار كوپتەپ كەزدەسىپ، ناقتى جاۋاپتار بەرىلدى. ءوز كەزەگىندە تىكەلەي قابىلداۋ جۇرگىزگەن تۇركىستان وبلىسى پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى ابدۋعاني سەيدۋالييەۆ مۇنداي اكتسيانى ۇيىمداستىرۋدىڭ حالىق ءۇشىن پايداسى زور ەكەنىن، حالىقپەن قارىم- قاتىناستى كۇشەيتەتىنىن اتاپ ءوتتى.
ايتا كەتەيىك، وڭىردەگى بارلىق قالا- اۋدانداردىڭ جانە تۇركىستان قالاسىنىڭ 2 مولتەك اۋدانىندا «اۋلادا قابىلداۋ» اكسياسى ۇيىمداستىرىلدى.
اۆتور: اينۇر اقبايەۆا