سينوپتيكتەر 20-قىركۇيەك كۇنگى اۋا رايى بولجامىن جاريالادى

نۇر-سۇلتان. قازاقپارات - قازاقستاننىڭ باسىم بولىگىنە انتيتسيكلون ىقپال ەتىپ، كۇن اشىق بولادى. بۇل تۋرالى قازاقپارات «قازگيدرومەت» ر م ك- نىڭ مالىمەتتەرىنە سۇيەنە وتىرىپ حابارلايدى.

كاسىپورىن تاراتقان مالىمەتتەرگە قاراعاندا، قىركۇيەكتىڭ 20 سى كۇنى قازاقستاننىڭ باسىم بولىگىنە جاۋىن-شاشىن بولمايدى. تەك رەسپۋبليكانىڭ باتىس جانە سولتۇستىگىنىڭ كەي جەرلەرىندە فرونتالدى بولىكتەردىڭ وتۋىنە بايلانىستى اۋا رايى قۇبىلىپ تۇرادى.

كەي جەرلەردە نايزاعاي ويناپ، جاڭبىر جاۋادى. رەسپۋبليكانىڭ ءبىرقاتار وڭىرلەرىندە جەل كۇشەيىپ، تۇمان تۇسەدى، سولتۇستىكتە بۇرشاق جاۋۋى ىقتيمال.

اقمولا، اقتوبە، كۇندىز قاراعاندى وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-23 مەترگە جەتەدى دەپ بولجانىپ وتىر.

الماتى وبلىسىندا كۇندىز جالاڭاشكول ايماعىندا جەلدىڭ جىلدامدىعى سەكۋندىنا 15-20 مەترگە جەتەدى.

ماڭعىستاۋ، اتىراۋ، شىعىس قازاقستان وبلىستارىنىڭ كەي جەرلەرىندە تۇمان ءتۇسۋى مۇمكىن.

قوستاناي وبلىسىنىڭ باسىم بولىگىندە جەل 15-23 م/س جىلدامدىقپەن ۇيتقىپ، تۇندە جانە تاڭەرتەڭ كەي جەرلەردە تۇمان تۇسەدى.

سولتۇستىك قازاقستان وبلىسىندا جەلدىڭ جىلدامدىعى سەكۋندىنا 15-20 مەترگە جەتەدى، كەي جەرلەردە ول 23-28 م/س بولادى، كەي جەرلەرگە تۇمان، بۇرشاق جاۋۋى مۇمكىن.

پاۆلودار وبلىسىندا جەلدىڭ ەكپىنى 15-20، كەي جەرلەرىندە 25 م/س جەتەدى.

قىزىلوردا، تۇركىستان وبلىستارىندا، جامبىل، قاراعاندى، باتىس قازاقستان، اتىراۋ وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىگىندە، شىعىس قازاقستان وبلىسىنىڭ جەكەلەگەن اۋدانىندا ءورت قاۋىپى ساقتالادى.