+7 (701) 759 90 19 Лента
29 °С : Нур-Султан
24 °С : الماتى
USD 383.01 EUR 430.12
RUB 6.10 CNY 55.70
جاڭالىقتار

سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى

15 ماۋسىم 11:40 432
:ءبولىسۋ
سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى

پەتروپاۆل. قازاقپارات - سولتۇستىك قازاقستان وبلىسىندا «جولدا قابىلداۋ» اكتسياسى ءوتىپ، حالىق كوپ شوعىرلانعان 15 جەردە الاڭ ۇيىمداستىرىلدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وبلىستىق پوليتسيا ۆەدومستۆوسىنىڭ باسشىسى مارات تولەبايەۆ «City mall» ورتالىعىنىڭ جانىندا ازاماتتاردى قابىلدادى. تۇرعىنداردان تۇسكەن بارلىق سۇراقتاردى ول باقىلاۋعا الىپ، ءتيىستى باسقارمالاردىڭ باسشىلارىنا ءاربىر جاعدايدىڭ انىق-قانىعىنا جەتۋگە تاپسىرما بەردى.


سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 

«وسىنداي اڭگىمەلەسۋ الاڭدارىن قۇرۋدىڭ باستى ماقساتى - ازاماتتارعا ىشكى ىستەر ورگاندارىنىڭ قۇزىرەتىنە قاتىستى، ونىڭ ىشىندە مەملەكەتتىك قىزمەتتەردى كورسەتۋ ماسەلەلەرىن ۇعىندىرۋ. بۇگىنگى تاڭدا پوليتسيانىڭ جۇمىسىنداعى باستى پرينتسيپ - اشىقتىق پەن ايقىندىلىق، حالىقپەن جۇمىس ىستەۋ ءۇشىن كەدەرگىسىز ورتا قۇرۋ. جۇمىستىڭ بۇل ءتۇرى قۇقىقتىق ءتارتىپتى قامتاماسىز ەتۋدە تيىمدىلىكتى ارتتىرادى»، - دەيدى دەپارتامەنت باسشىسى.


سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 

«موبيلدى قابىلداۋ» ءوز جۇمىسىن پەتروپاۆلداعى كوپقاباتتى ۇيلەردىڭ اۋلالارىندا دا ۇيىمداستىردى. مۇندا تۇرعىندار شۋلى وتىرىستى ۇناتاتىن كورشىلەر، ەشبىر زاڭدى نەگىزسىز كولىك قوياتىن ورىندى مەنشىكتەپ الۋشىلار ماسەلەسىن كوتەردى.

مامليۋت اۋدانىنىڭ تۇرعىنىنا پوليتسەيلەر جۇك كولىگىن رەسىمدەۋگە كومەكتەستى. اندرەي شاناۋرين «كولحيدانى» 90- جىلداردىڭ باسىندا ساتىپ العان، ءبىراق ونى وسى ۋاقىتقا دەيىن پايدالانباعان. «قابىلداۋ» كەزىندە تىركەۋ-ەمتيحان الۋ جۇمىسى ءبولىمىنىڭ قىزمەتكەرلەرىنە اتالعان كولىكتى تىركەۋ ماسەلەسى بويىنشا جۇگىندى. بارلىق قۇجاتتاردى تەكسەرگەن پوليتسەيلەر قۇقىق بەلگىلەيتىن قۇجاتتاردى بەرۋدى زاڭدى دەپ تاپتى. ەندى اۋىل تۇرعىنى ءوز ج ش س شارۋاشىلىق جۇمىستارى ءۇشىن اۋىر جۇك كولىگىن ەش الاڭسىز پايدالاناتىن بولادى.


سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 

پوليتسەيلەر جىل سايىن كولىكتى ساقتاندىرۋ ءۇشىن 30 مىڭنان 40 مىڭ تەڭگەگە دەيىن تولەپ، رەسەيلىك ەسەپتە تۇرعان ماشينامەن ۇزاق ۋاقىت جۇرگەن شەتەلدىككە دە كومەك قولىن سوزدى. سولتۇستىك قازاقستان وبلىسىنىڭ تۋماسى 2014 -جىلى رەسەيدەن قازاقستانعا قونىس اۋدارعان. ول بۇرىن شەتەلدىك كولىگىن قازاقستاننان ساتىپ الىپ، كەيىن رەسەيدە ەسەپكە قويعان، ساتاتىن ويى بولماعان.

«قازاقستاندا ەسەپكە قايتا قويۋعا بولاتىنىن بىلمەي، رەسەيلىك تىركەۋمەن جۇرە بەردىم. جىل سايىن تەحنيكالىق بايقاۋدان ءوتۋ، كولىككە سالىق تولەۋ ءۇشىن رەسەيگە باردىم. وتە ىڭعايسىز، ءارى شىعىنى كوپ بولاتىن»، - دەدى ۆياچەسلاۆ پوپوۆ.


سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 

ۆياچەسلاۆ پوپوۆ پوليتسەيلەردىڭ كەڭەسىن پايدالانىپ، ءوزىنىڭ شەتەلدىك كولىگىن قازاقستاندىق تىركەۋگە قويدى، ءارى ءبىر جىلعا كولىكتى ساقتاندىرۋ ءۇشىن تولەنگەن ارتىق قاراجاتتى قايتارىپ الدى.

 
سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى

ءتارتىپ ساقشىلارىنىڭ ايتۋىنشا، «جولدا قابىلداۋ» جۇمىسىنىڭ العاشقى ساعاتتارىندا بارلىعى 40 سۇراق كەلىپ ءتۇستى. ايتا كەتەرلىگى اكسيا ەكى كۇنگە سوزىلادى.

 
سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 
سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 
سولتۇستىك قازاقستاندا اۋىل تۇرعىنى كولىگىن 20 جىلدان كەيىن عانا راسىمدەدى 


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات