قازاقستاندىق نوكاۋتەر 20 رەت جەڭىمپاز اتانعان امەريكالىق بوكسشىمەن كەزدەسەدى

نۇر-سۇلتان. قازاقپارات - «باحا-وق» (باحا-پۋليا) دەگەن لاقاپ اتپەن تانىمال قازاقستاندىق كاسىپقوي بوكسشى باحتيار ەيۋبوۆ كەزەكتى جەكپە-جەگىن شارشى الاڭدا 20 مارتە جەڭىسكە جەتكەن امەريكالىق سونني فرەدريكسونمەن وتكىزەدى، دەپ حابارلايدى قازاقپارات ءتىلشىسى.

قازاقستان كاسىپقوي بوكس فەدەراتسياسىنىڭ ۆكونتاكتە پاراقشاسىندا حابارلاعانداي، باحتيار ەيۋبوۆ (15-0، 12 ك و) شارشى الاڭعا وسى ايدىڭ سوڭىندا شىعادى.

«BoxRec.com اقپاراتىنا سۇيەنسەك، باحتياردىڭ كەلەسى كەزدەسۋى 27- ءساۋىر كۇنى لافايەتت قالاسىندا (ا ق ش، لۋيزيانا شتاتى) وتەدى. قازاقستاندىق ۋاقىت بويىنشا ايقاس 28- ساۋىرگە كەلەدى. 32 جاستاعى قازاقستاندىق بوكسشىنىڭ قارسىلاسى - 24 جاستاعى سونني فرەدريكسون (20-1، 13 ك و). ءبىرىنشى ورتا سالماقتاعى ايقاس ون راۋندقا جوسپارلانىپ وتىر»، - دەلىنگەن فەدەراتسيا حابارلاماسىندا.

ايتا كەتەرلىگى، مالۆەينەدە (كانزاس شتاتى) وتكەن سوڭعى ايقاسىندا ەيۋبوۆ كاسىپقوي بوكستا تۇڭعىش رەت قارسىلاسى مەكسيكالىق بوكسشى حوسە لۋيس رودريگەستى (25-13-1، 13 ك و) جەڭە الماي، تەڭ تۇسكەن ەدى.