استانا ىرگەسىندەگى 20 ەلدى مەكەندە گاز تارتۋ جۇمىستارى باستالادى
بۇل تۋرالى ايماق باسشىسى مالىك مىرزالين تۇرعىندار الدىنداعى ەسەپتى كەزدەسۋىندە ايتتى، دەپ حابارلايدى قازاقپارات ءتىلشىسى.
ايماق باسشىسىنىڭ ايتۋىنشا، استانا ماڭىنداعى اۋدانداردى گازداندىرۋ مەملەكەت باسشىسىنىڭ تاپسىرماسىمەن اۋقىمدى «سارىارقا» ماگيسترالدى گاز قۇبىرىن تارتۋ جوباسى اياسىندا ىسكە اسپاق.
«2019 -جىلدان اقمولا وبلىسىنىڭ ارشالى جانە سەلينوگراد اۋداندارىنىڭ 130 مىڭ ادام تۇراتىن 20 ەلدى مەكەنىنە گاز تارتۋ جۇمىستارى باستالادى. قازىرگى كەزدە گاز تاراتۋ جەلىسىنىڭ 1- كەزەڭى بويىنشا جوبالىق سمەتالىق قۇجاتتامالاردى ازىرلەنۋدە» ، دەپ اتاپ ءوتتى مالىك مىرزالين.
ەسكە سالا كەتەيىك، « قىزىلوردا - قاراعاندى - استانا» ماگيسترالدى گاز قۇبىرىنىڭ 1-ۋچاسكەسىنىڭ قۇرىلىسى اياسىندا 2019 -جىلى «ارشالى» اۆتوماتتى گاز ۇلەستىرۋ ستانساسىنان، سونداي- اق «استانا» 1- جانە 2- اۆتوماتتى گاز ۇلەستىرۋ ستانسالارىنان ارشالى، سەلينوگراد اۋداندارىن گازداندىرۋ مۇمكىندىگى تۋىندايدى.