+7 (701) 759 90 19
0 °С : نۇر-سۇلتان
14 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

ءبىر بالانىڭ كۇتىمىنە ايىنا 20 مىڭ تەڭگە جەتكىلىكتى - دەپۋتات

13 اقپان 19:54
:ءبولىسۋ
ءبىر بالانىڭ كۇتىمىنە ايىنا 20 مىڭ تەڭگە جەتكىلىكتى - دەپۋتات

استانا. قازاقپارات - بۇگىننەن باستاپ پارلامەنت ءماجىلىسى دەپۋتاتى قىزمەتىنە كىرىسكەن نۇرجان التايەۆ ەلدەگى الەۋمەتتىك جاعدايعا بايلانىستى پىكىر ءبىلدىردى، دەپ حابارلايدى قازاقپارات ءتىلشىسى.

«ماجىلىسكە ەكى رەت سايلاۋعا ءتۇستىم. ءبىرىنشى جولى 2004-جىلى ەل بويىنشا ەڭ جاس كانديدات بولدىم. وكىنىشكە قاراي، ول كەزدە وتە المادىم. ەكىنشى رەت 2016-جىلى سايلاۋعا قاتىسىپ، سول مەرزىمدە «نۇر وتان» پارتياسى اتىنان دەپۋتاتتىققا كانديداتتار تىزىمىنە قوسىلدىم. ياعني، 2016-جىلدان بەرى مەنى كەز كەلگەن ۋاقىتتا ءماجىلىس دەپۋتاتى قاتارىنا شاقىرۋى مۇمكىندىگى بولدى، سەبەبى رەزەرۆتىك تىزىمدە تۇرعان ەدىم»، - دەدى ول ءماجىلىستىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

سونىمەن قاتار ول دەپۋتاتتاردىڭ قاتارىندا قىزمەت ەتۋ ۇلكەن مارتەبە ەكەنىن اتاپ ءوتتى.

«مەن ءۇشىن بۇل وتە جاۋاپتى جۇمىس. بۇگىن ماعان جۇكتەلگەن مىندەتتەردى بارىنشا اقتاۋعا تىرىساتىنىمدى، ءوزىمنىڭ قىزمەتىمدى ورىندايتىنىمدى ايتىپ، قازاقستان حالقىنا انت بەردىم»، - دەدى ن. التايەۆ.

ول بۇعان دەيىن ەڭبەك ۆيتسە-ءمينيسترى لاۋازىمىندا ءوزىنىڭ الدىنا قويىلعان مىندەتتەردى ورىنداعانىن ءسوز ەتتى.

«ۆيتسە-مينيستر لاۋازىمىنا كىرىسكەن كەزدە مەنىڭ الدىما قويىلعان بارلىق مىندەتتەر ورىندالدى. بۇل تۇرعىدا جۇمىسپەن قامتۋ، كوشى-قون سالاسىنا جاۋاپتى بولدىم»، - دەدى ول.

تىلشىلەر ن. التايەۆتان ايىنا ءار بالاعا بولىنەتىن 20 مىڭ تەڭگە جاردەماقى قانشالىقتى جەتكىلىكتى بولاتىنىن سۇرادى.

«زايىبىم كۇندەلىكتى ءۇي شارۋاسىمەن اينالىسادى، بالالارعا قارايدى. مەن ءوز كەزەگىمدە وتباسىلىق تابىسقا جاۋاپتىمىن. جالعا العان ەكى بولمەلى پاتەردە تۇرامىز. مەنىڭ ويىمشا، ەگەر دە ۇنەمدەسە، وندا اتالعان سوما جەتكىلىكتى»، - دەدى دەپۋتات.

بۇدان بۇرىن حابارلانعانداي، «نۇر وتان» پارتياسىنىڭ مۇشەسى نۇرجان التايەۆ پارلامەنت ءماجىلىسىنىڭ دەپۋتاتى بولدى.

نۇرجان باۋىرجان ۇلى وسىعان دەيىن ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىن اتقاردى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات