قىتايدا 20 ساعات بويى جۇمىس ىستەگەن حيرۋرگ وپەراتسيا ۇستىندە ۇيىقتاپ قالدى

None
None
 استانا. قازاقپارات - قىتايلىق حيرۋرگ وپەراتسيا كەزىندە ۇيىقتاپ قالعان. الايدا ۇيقىعا كەتكەن حيرۋرگتىڭ سۋرەتىن كورگەن جەلى قولدانۋشىلارى وعان قۇرمەت بىلدىرگەن، دەپ حابارلايدى «حابار 24».

 گۋيان قالاسىنداعى كلينيكادا قاڭتار ايىندا جۇمىس تىم كوپ بولىپ، دارىگەرلەر قىزۋ جۇمىس ىستەگەن. لۋو شانپەنگ ەسىمدى حيرۋرگ 20 ساعات بويى جۇمىس ىستەپ، 5 وپەراتسيا جاساعان. بولىمشەگە قولىن ەتتارتقىش تۋرالاپ وتكەن ەر ادام كەلگەن ۋاقىتتا ول تاعى ءبىر وپەراتسيا وتكىزۋگە بەل بۋادى. الايدا ابدەن شارشاعان ول كوز شىرىمىن الماق بولىپ، وپەراتسيالىق ۇستەلدە ۇيىقتاپ كەتكەن.

 مەدبيكە ارىپتەسىن سۋرەتكە ءتۇسىرىپ الىپ، قىتايداعى WeChat الەۋمەتتىك جەلىسىنە سالعان. پىكىر بىلدىرگەندەر دارىگەردى قۇرمەت تۇتىپ، ونىڭ اۋىر جۇمىسىنا ءتانتى بولعان. كەيىنىرەك لۋو ول وپەراتسيانى جاساماعاندا پاتسيەنت قولىنان ايىرىلىپ قالاتىنىن ايتتى. سونداي- اق ول ۇيقىعا كەتپەس بۇرىن پاتسيەنتتىڭ قولىن تىگىپ، قان اينالىمىن رەتكە كەلتىرۋ ءۇشىن ءبىر قالىپتا ۇستاپ وتىرعان.

www.24.kz

سوڭعى جاڭالىقتار