حالىقارالىق عارىش ستانساسىنا - 20 جىل
ح ع س قۇرىلىسى ءدال سول كۇننەن باستالدى، دەپ حابارلايدى «قازاقپارات» ح ا ا ءتىلشىسى.
ح ع س باسقارىلاتىن رەجيمدەگى جۇمىسىن 2000 -جىلعى 2 - قاراشادا باستادى. سول كۇنى «سويۋز ت م-31» عارىش كەمەسى «زۆەزدا» قىزمەتتىك مودۋلىمەن ءتۇيىستى. ح ع س-1 ەكيپاجىنىڭ قۇرامىندا رەسەيلىك عارىشكەرلەر يۋري گيدزەنكو مەن سەرگەي كريكاليەۆ جانە امەريكالىق عارىشكەر ۋيليام شەپەرد بولدى.
عارىشتى يگەرۋ تاريحىنداعى اسا ماڭىزدى حالىقارالىق جوبانىڭ 20 جىلدىعىنا وراي، كەشە ماسكەۋدە «عارىشكەرلىك (كوسموناۆتيكا) : حالىقارالىق ىنتىماقتاستىق پەن دامۋدىڭ اشىق كەڭىستىگى» اتتى عىلىمي- تاجىريبەلىك كونفەرەنسيا جۇمىسىن باستادى. وعان ق ر قورعانىس جانە ايەروعارىش ونەركاسىبى مينيسترلىگى ايەروعارىش كوميتەتىنىڭ ءتوراعاسى ەركىن شايماعامبەتوۆتىڭ باسشىلىعىندا قازعارىش دەلەگاتسياسى قاتىسىپ جاتىر.
شارا بارىسىندا ر ف پرەزيدەنتى ۆلاديمير پۋتيننىڭ قۇتتىقتاۋ حاتىن «روس كوسموس» م ك باس ديرەكتورى دميتري روگوزين وقىپ بەردى، دەپ حابارلايدى روس كوسموستىڭ باسپا ءسوز قىزمەتى.
«بۇگىنگە دەيىن ح ع س- تا 18 مەملەكەتتىڭ وكىلدەرى عارىشتانۋدىڭ، الەمدىك ەكونوميكانىڭ، عىلىم مەن مەديتسينانىڭ دامۋىنا اسا ماڭىزدى زەرتتەۋلەر جۇرگىزدى. وسىناۋ جاھاندىق عارىش جوباسى ساياسي قايشىلىقتارعا، ەكونوميكالىق قيىندىقتارعا، الەۋمەتتىك وزگەرىستەرگە قاراماستان، ءتيىمدى ءارى ۇيىمشىلدىقپەن جۇمىس ىستەي الاتىنىمىزدى، ىمىراعا كەلە وتىرىپ، كەدەرگىلەردى جەڭە الاتىنىمىزدى دالەلدەدى»، - دەلىنگەن جەدەلحاتتا.