+7 (701) 759 90 19 Лента
8 °С : استانا
16 °С : الماتى
USD 359.00 EUR 420.10
RUB 5.41 CNY 52.38
جاڭالىقتار

استانا ىرگەسىندەگى 20 اۋىلعا گاز تارتىلادى

15 قىركۇيەك 11:37 547
:ءبولىسۋ
استانا ىرگەسىندەگى 20 اۋىلعا گاز تارتىلادى

كوكشەتاۋ. قازاقپارات - اقمولا ءوڭىرىنىڭ باسشىسى مالىك مىرزالين ءماسليحات دەپۋتاتتارى الدىنداعى ەسەپتىك كەزدەسۋىندە ءوڭىردىڭ دامۋى جانە الداعى پەرسپەكتيۆالارى تۋرالى ايتتى، دەپ حابارلايدى قازاقپارات ءتىلشىسى.

ايماق باسشىسى وبلىس ەلدى مەكەندەرىن ساپالى اۋىز سۋمەن قامتاماسىز ەتۋ ماسەلەسى، سونداي- اق گازداندىرۋ بويىنشا جوبانى جۇزەگە اسىرۋ پەرسپەكتيۆالارىنا توقتالدى.

 «استانالىق ەلدى مەكەندەردى ءبىر ورتالىقتاندىرىلعان سۋمەن جابدىقتاۋ باعىتىندا 35 جوبا جۇزەگە اسىرىلۋدا، ونىڭ ىشىندە 10 جوبانى بيىل اياقتاۋ جوسپارلانعان. ۇزىندىعى 220 شاقىرىم سۋ قۇبىرى جانە 21 شاقىرىم كارىز جەلىسى سالىنادى»، - دەدى ايماق باسشىسى.

سونىمەن قاتار، م. مىرزاليننىڭ سوزىنە قاراعاندا وڭىردە مەملەكەت باسشىسىنىڭ باستاماسىمەن قولعا الىنعان ەلدى ودان ءارى گازداندىرۋ بويىنشا الەۋمەتتىك جوباسىنا دا كوڭىل بولىنۋدە. اتالمىش «سارى ارقا» جوباسى شەڭبەرىندە كەلەر جىلدان باستاپ، ارشالى جانە سەلينوگراد اۋداندارى اۋماعىنداعى 20 ەلدى مەكەنگە گاز تارتۋ جۇمىستارى قولعا الىنباق.

 ايتا كەتەيىك، ءوڭىر اكىمى وبلىستىق ءماسليحات دەپۋتاتتارىمەن كەزدەسۋىندە، سونداي- اق كوكشەتاۋ جانە استانا ماڭىنداعى ەلدى مەكەندەردى دامىتۋ جوسپارىمەن بولىسكەن بولاتىن.

اۆتور: اسلان وسپانوۆ


باستى سوزدەر: بيلئك جانة ساياسات,
:ءبولىسۋ
ونلاين قىزمەتكەرلەر
مۇراعات