+7 (701) 759 90 19 Лента
16 °С : استانا
25 °С : الماتى
USD 360.12 EUR 409.67
RUB 5.33 CNY 52.34
جاڭالىقتار

قىتاي اراب ەلدەرىنە 20 ميلليارد دوللار نەسيە بەرەدى

12 شىلدە 21:31 240
:ءبولىسۋ

 استانا. قازاقپارات -  قىتاي ۇكىمەتى اراب ەلدەرىنە 20 ميلليارد دوللار قۇرايتىن نەسيە بەرۋگە دايىن. سونىمەن قاتار سيريا، يوردانيا جانە يەمەن ەلدەرىنە گۋمانيتارلىق كومەك جىبەرمەك.

  وعان 106 ميلليون دوللار بولىنەدى. مۇنداي مالىمدەمەنى قىتاي باسشىسى شي جينپيڭ بەيجىڭدە وتكەن قىتاي- اراب ىنتىماقتاستىق فورۋمىندا ايتتى. ول سونداي- اق قىتايدىڭ ورتالىق ازيا، شىعىس افريكا جانە ءۇندى مۇحيتىن جەرورتا تەڭىزىمەن بايلانىستىراتىن پورتتار مەن تەمىر جولدار قۇرىلىسىن جانە ينفراقۇرىلىمداردى دامىتۋعا اتسالىسۋعا دايىن ەكەنىن دە اتاپ ءوتتى. بەيجىڭ وسى ماقساتتا قارجىلىق- نەسيەلىك باعدارلامانى جۇزەگە اسىرىپ، جالپى سوماسى 3 ميلليارد دوللاردى قۇرايتىن اراب- قىتاي كونسورتسيۋمىن قۇرۋدى كوزدەپ وتىر.

رەيتەر اقپارات اگەنتتىگىنىڭ حابارلاۋىنشا، تاياۋ شىعىستاعى اراب ەلدەرىنىڭ قىتايدىڭ «جىبەك جولى ەكونوميكالىق بەلدەۋ» گەوستراتەگيالىق جوباسىندا ماڭىزدى ءرولى بار. «ءبىز ءبىر- بىرىمىزگە شىنايى قاراۋىمىز كەرەك. تۋىنداعان ماسەلەلەردى جەدەل شەشۋ ءۇشىن سىرتقى ساياسات پەن دامۋ ستراتەگياسىنىڭ ءار قىرىن بەلسەندى تالقىلاپ وتىرۋىمىز مىندەتتى» دەدى شي جينپيڭ.

www.24.kz


باستى سوزدەر: الةم,
:ءبولىسۋ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات