بەلارۋس ەلىندە استانانىڭ 20 جىلدىعى اتاپ ءوتىلدى
وعان بەلارۋس رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى اندرەي ەۆدوچەنكو، دەپۋتاتتار، مينيسترلىكتەر مەن ۆەدومستۆولاردىڭ وكىلدەرى، ديپلوماتيالىق ميسسيالاردىڭ باسشىلارى، ءىرى كاسىپورىنداردىڭ باسشىلارى، جەتەكشى عالىمدار، بەلارۋستىڭ مادەنيەت قايراتكەرلەرى، قازاق دياسپوراسىنىڭ وكىلدەرى جانە تاعى باسقالارى قاتىستى. بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.
قازاقستاننىڭ بەلارۋس ەلىندەگى ەلشىسى ەرمۇحامەت ەرتىسبايەۆ استانا قىسقا مەرزىمدە سالىنعان ХХІ عاسىردىڭ جالعىز استاناسى ەكەندىگىن جانە قازاقستان عاسىردىڭ باسىندا جاڭا ەلوردانى سالعان جالعىز ەل بولعانىن اتاپ ءوتتى. جاڭا استانانىڭ دامۋى بۇكىل قازاقستاندى تۇبەگەيلى وزگەرتىپ، ونى ەكونوميكالىق جانە ساياسي تۇرعىدان تۇراقتى مەملەكەت، جاۋاپتى جانە بەدەلدى حالىقارالىق سەرىكتەسكە اينالدىردى.
ا. ەۆدوچەنكو ءوز سوزىندە جاڭا ەلوردانى سالۋ يدەياسىن ۇسىنىپ، ونى جۇزەگە اسىرعان قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ ءرولىن ەرەكشە اتاپ ءوتتى. ەل پرەزيدەنتىنىڭ استانانى دامىتۋعا ۇنەمى نازار اۋدارۋى جانە الاڭداۋشىلىعى ونى ەۋرازياداعى سەرپىندى دامىپ كەلە جاتقان مەگاپوليسكە، قازىرگى زامانعى جانە باسەكەگە قابىلەتتى قالاعا اينالدىرعانىن ايتىپ كەتتى.
ءىس-شارا بارىسىندا استانا قالاسىنا ارنالعان فوتوكورمە جانە بەينەباياندار كورسەتىلدى.