استانانىڭ 20 جىلدىق مەرەيتويى ۇلانباتىردا اتالىپ ءوتتى - شەتەلدەگى قازاق ءتىلدى ب ا ق- قا شولۋ

None
None
استانا. قازاقپارات - «قازاقپارات» ح ا ا نازارلارىڭىزعا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

فارفورعا سۋرەت سالۋ ونەرى - تيان-شان پورتالى

«فارفورعا ورنەك سالۋدىڭ شەبەرى اتانعان ياڭ ءيۇيحۇيدىڭ تۋىندىلارى كورگەن ادامدى تاڭعالدىرماي قويمايدى» دەپ جازادى kazakh.ts.cn.

«80- جىلداردان كەيىنگى» دەگەن اتپەن فارفورعا سۋرەت سالاتىن شەبەر ياڭ ءيۇيحۇي شاندۇڭ قالاسىنىڭ تۋماسى ەكەن. ول كىشكەنتايىنان سۋرەتشى بولۋعا قاتتى قۇمارتادى. 2005 -جىلى كوللەدجگە وقۋعا تۇسكەن ونەرپاز سول جىلدان باستاپ فارفورعا سۋرەت سالۋعا بەت بۇرادى. وقۋ تاۋىسقان سوڭ سۋرەتشى ياڭ شىجياجۋاڭداعى مادەنيەت ورتالىعىنا جۇمىسقا تۇرادى. بۇگىندە سۋرەتشى كوركەم ونەردىڭ ءوزى قىزىققان وسى باعىتى بويىنشا تىنىمسىز جاڭالىق جاساۋدا ەكەن. اسىرەسە سوڭعى جىلدارى شەبەردىڭ ءوز قولىنان «التىن بالىق» دەپ اتالاتىن فارفورعا سالعان تۋىندىلارى كوپشىلىكتىڭ ەرەكشە ىقىلاسىنا بولەنىپ كەلە جاتقانى تۋرالى جازادى تيان- شان پورتالى.

 null null null   

دروندى پايدالانۋ قالا باسقارۋ ورەسىن جوعارىلاتتى - «جەنمين جيباو» (People Daily)

قالا باسقارۋ ورەسىن جوعارىلاتۋ ءۇشىن 2018 -جىلدىڭ مامىر ايىندا قىتايدىڭ جيلين ولكەسى چاڭچۇن قالاسى چاوياڭ اۋدانى قالا تازالىعىن باقىلاۋ مەكەمەسى تسيفرلى باسقارۋ جولى درونمەن باقىلاۋ توبىن قۇردى. قازىر بۇل توپ جەردە ءجۇرىپ تەكسەرۋدىڭ ورنىنا ۋاقىت ۇتىپ، جاڭا تەحنيكانىڭ پايداسىن كورۋدە. بۇل تۋرالى وسى اپتادا «جەنمين جيباو» اقپاراتتىق پورتالى حابارلاعان بولاتىن.

«قازىر وزىق ۇلگىدەگى 5 دروندى قولدانىپ وتىرعان بۇل توپتىڭ مۇشەلەرى كاسىپتىك كۋرستەن ءوتىپ، شەبەرلىكتەرىن شىڭداعان. سونىڭ ارقاسىندا دروندى ءتيىمدى پايدالانۋ كۋالىگىن العان. بۇرىن ءبىر كۇن ۋاقىت جۇمسايتىن جۇمىستى قازىر بار-جوعى 2ـ3 ساعاتتا بىتىرۋگە بولادى. ءسويتىپ قىزمەت ونىمدىلىگى جوعارىلادى»، - دەپ تۇيىندەيدى People Daily.

 null null 

تۇركياداعى فەستيۆالدار كەرەمەتى - TRT

تۇركيا تەلە-راديو پورتالى وسى اپتادا «تۇركياداعى فەستيۆالدار كەرەمەتى» اتتى تاقىرىپپەن اقپارات تاراتتى. بۇنداي ءسوزدى تۇركياعا ءىس- ساپارمەن كەلگەن ەۋروپا فەستيۆالدار وداعى باسقارۋ القاسىنىڭ ءتوراعاسى Jan Briers مىرزا ايتقان ەكەن. Biers « تۇرىك فەستيۆالىنىڭ بارشا الەمنىڭ كوركەمونەرىنە اشىق بولۋىنا ريزامىن» دەدى دەپ جازدى trt.net.

ەۋروپا فەستيۆالدار وداعى باسقارۋ القاسىنىڭ ءتوراعاسى Jan Briers تۇركيادا ۇيىمداستىرىلعان حالىقارالىق فەستيۆالداردىڭ بارشا الەمنىڭ كوركەمونەرىنە جانە ءتۇرلى مادەنيەتتەرگە اشىق بولعانىنا ريزا ەكەنىن ايتتى. 32- حالىقارالىق يزمير فەستيۆالى جانە ەۋروپا فەستيۆالدار وداعى باسقارۋ القاسى جينالىسى ءۇشىن يزميرگە كەلگەن Jan Briers مالىمدەمە جاساعان.

«ىستانبۇل، انكارا، يزمير، انتاليا جانە مەرسين سەكىلدى قالالاردىڭ حالىقارالىق دەڭگەيدە ۇلكەن فەستيۆالدارعا ءۇي يەلىگىن جاساعانىن مەڭزەگەن Briers « تۇرىك فەستيۆالىنىڭ بارشا الەمنىڭ كوركەمونەرىنە اشىق بولۋىنا ريزامىن. كەرەمەت مىقتى ونەرپازدارمەن ساپالى فەستيۆال وتكىزىلۋدە. ەۋروپا فەستيۆالدارى ءۇشىن دە وسىنى قالايمىن. ءار جەردەگى كوركەمونەرگە اشىق بولۋى وتە جاقسى. بۇنى يزميردەگى، ىستانبۇلداعى جانە انكاراداعى باسقا فەستيۆالداردا بايقاۋدامىز» دەگەن دەپ جازدى trt.net.

 null

استانانىڭ 20 جىلدىق مەرەيتويى ۇلان-باتىردا اتالىپ ءوتتى - KAZNEWS

27 -ماۋسىمدا ۇلانباتىردا قازاقستان ەلشىلىگى استانا قالاسىنىڭ 20 جىلدىق مەرەيتويىنا وراي رەسمي قابىلداۋ وتكىزدى. بۇل تۋرالى وسى اپتادا موڭعوليالىق kaznews.mn اقپاراتتىق پورتالى حابارلادى.

موڭعوليالىق تاراپتان قۇرمەتتى قوناق رەتىندە ۇلانباتىر قالاسىنىڭ مەرى س. باتبولد استانانىڭ قازىرگى دامۋ دەڭگەيىنە جوعارى باعا بەرەتىنىن جەتكىزگەن. ول ايتۋلى مەرەكەگە وراي استانا قالاسىنىڭ اكىمى ءا. يسەكەشوۆكە ارنالعان قۇتتىقتاۋىن قاتىسۋشىلار الدىندا سالتاناتتى تۇردە قازاقستان ەلشىسى قالىبەك قوبلاندينگە تابىس ەتتى.

سونىمەن قاتار شاراعا موڭعوليانىڭ ءبىرىنشى پرەزيدەنتى پ. وچيربات، پارلامەنت دەپۋتاتتارى ن. ويۋندار، د. مۋرات، موڭعوليا عىلىم اكادەمياسىنىڭ پرەزيدەنتى د. رەگدەل، موڭعوليانىڭ قاۋىپسىزدىك كەڭەسى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى ب. ەنحبايگال، موڭعوليا ءسىم دەپارتامەنتتەرىنىڭ ديرەكتورلارى، ديپلوماتيالىق كورپۋس پەن موڭعوليانىڭ بۇرىنعى ەلشىلەرى، بەلگىلى قازاق قانداستار جانە باسقا دا مەمورگاندار مەن ۇيىمدار وكىلدەرى قاتىسقان.

شارا بارىسىندا سويلەگەن سوزىندە ۇلانباتىر قالاسىنىڭ مەرى س. باتبولد استانا قالاسىنىڭ مەرەيتويىمەن قۇتتىقتاي كەلە، موڭعوليالىق تاراپ ەكى ەلدىڭ باس قالالارى اراسىنداعى بايلانىستاردى دامىتۋعا مۇددەلى ەكەنىن ءمالىم ەتكەن.

«قابىلداۋ بارىسىندا كەلۋشى قوناقتارعا ارنالعان ءداستۇرلى ۇلتتىق تاعامداردان تۇراتىن قازاقستاندىق بۇرىش جانە «استاناعا 20 جىل» اتتى فوتوكورمە، سونداي-اق ەلوردانىڭ قازىرگى كەلبەتىن بەينەلەيتىن ارنايى ۆيدەوسيۋجەت كورەرمەندەردىڭ نازارىنا ۇسىنىلدى»، - دەپ تۇيىندەيدى موڭعوليالىق اقپارات كوزى.

 null null null 

ءتور جايلاۋعا ساپار - «جەنمين جيباو» (People Daily)

شىنجاڭنىڭ تارباعاتاي ايماعى شاعانتوعاي اۋدانىندا جەرگىلىكتى وڭىرگە تاماشا تابيعاتىمەن ايگىلى بارلىق دەگەن تاۋ بار. اتالعان تاۋدىڭ سولتۇستىك بەتكەيىنىڭ سۋى مول، ءشوبى شۇيگىن، شۇرايلى جايلاۋ بولىپ ەسەپتەلەدى. ءار جىلى ماۋسىم ايىنىڭ سوڭعى جارتىسىندا ورتا جايلاۋدان كوشكەن مالشىلار ءتور جايلاۋ رەتىندە وسىندا كەلىپ، قىركۇيەك ايىنا دەيىن جايلاپ وتىرادى. مالشىلار ءۇشىن بارلىقتىڭ ساي-سالاسى مال مەن جاننىڭ تىرشىلىك كوزى ىسپەتتى.

«سوڭعى جىلدارى شاعانتوعاي اۋدانى جايىلىم مەن مالدىڭ تەپە-تەڭدىگىن ساقتاۋ ءۇشىن جايىلىمدى تىڭايتۋدىڭ ءتۇرلى شارالارىن قولدانىپ، جايلاۋ ەكولوگياسىن قورعاۋدا. سونىمەن قاتار، جەرگىلىكتى اكىمشىلىك مالشىلىق رايونىندا جول جوندەپ، ەكولوگيالىق تۋريزمدى دامىتىپ، مالشىلاردىڭ ءوندىرىس- تۇرمىس جاعدايىن جاقسارتۋعا كۇش سالىپ كەلەدى»، - دەپ جازادى «جەنمين جيباو» اقپاراتتىق پورتالى.

 null null null null 

بىشكەكتەگى تۇرىك فيلمدەرى اپتالىعى - TRT

null

تۇركيالىق trt.net.tr اقپاراتتىق پورتالىنىڭ مالىمەتىنە سۇيەنسەك، قىرعىزستاننىڭ باس قالاسى بىشكەكتە تۇرىك فيلمدەرى اپتالىعى باستالعان.

تۇرىك فيلمدەرى اپتالىعى تۇرىك الەمىنىڭ ۇلى قالامگەرى شىڭعىس ايتماتوۆتىڭ شىعارماسىنىڭ جەلىسىمەن تۇسىرىلگەن تۇرىك فيلمىمەن اشىلدى. اپتالىق بارىسىندا تۇرىك فيلمدەرى 30 -ماۋسىمعا دەيىن تەگىن كورسەتىلەدى.

 اۆتورى: بەيسەن سۇلتان ۇلى

سوڭعى جاڭالىقتار