ەلىمىزدىڭ ۇزدىك 20 مەملەكەتتىك قىزمەتشىسى انىقتالدى

استانا. قازاقپارات - «قازاقستان رەسپۋبليكاسىنىڭ ۇزدىك مەملەكەتتىك قىزمەتشىسى» اتاعى ءۇشىن جاريالانعان رەسپۋبليكالىق كونكۋرس ءداستۇرلى تۇردە ءوتىپ جاتىر، دەپ حابارلايدى قازاقپارات ءتىلشىسى.

«جاقىندا 23 -ماۋسىم - مەملەكەتتىك قىزمەتشىلەر كۇنى بولىپ جاريالاندى. العاش رەت بۇل كونكۋرس بىلتىر ءوتتى، ونىڭ جەڭىمپازدارى مەملەكەت باسشىسىمەن كەزدەسكەن ەدى»، - دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى ايگۇل شايىموۆا.

ونىڭ ايتۋىنشا، بيىل كونكۋرسقا قاتىسۋشىلار اراسىندا تەك قانا ساياسي جانە اكىمشىلىك قىزمەتشىلەر عانا ەمەس، الەۋەتتىك قۇرىلىمداردىڭ قىزمەتكەرلەرى دە بار. كونكۋرسقا دەگەن قىزىعۋشىلىق ارتقان.

«454 ءوتىنىشتىڭ ىشىندە كونكۋرسقا قاتىسۋعا 390 ادام جىبەرىلدى. سولاردىڭ اراسىنان 50 جانە ودان دا جوعارى ۇپاي جيناعان 189 ادام ىرىكتەلدى. قورىتىندى اڭگىمەلەسۋگە 52 ۇمىتكەر ءوتتى. رەسپۋبليكالىق كوميسسيا وتىرىسىنىڭ قورىتىندىسى بويىنشا 20 جەڭىمپاز انىقتالدى»، - دەپ حابارلادى سپيكەر.

كونكۋرستىڭ ەڭ جاس جەڭىمپازى 24، ال ەڭ ۇلكەنى - 53 جاستا.

جەڭىمپازداردىڭ ەسىمدەرى 22 -ماۋسىمدا وتەتىن گالا-كونسەرتتە سالتاناتتى تۇردە جاريا ەتىلەدى. 20 جەڭىمپازدىڭ ىشىندە ەرلەر سانى باسىم ەكەندىگى ءمالىم بولدى.