07:44, 28 - مامىر 2018 | GMT +6
وڭتۇستىك قازاقستاندا مەكتەپتى 20 جىل بۇرىن بىتىرگەن تۇلەكتەر جالعىزباستى اناعا باسپانا سىيلادى
شىمكەنت. قازاقپارات - وڭتۇستىك قازاقستان وبلىسى، تۇلكىباس اۋدانىندا تۇراتىن 7 بالاسى بار جالعىزباستى انا باسپانالى بولدى.
مۇنداي توسىنسىيدى تۇرار رىسقۇلوۆ اۋىلىنداعى مەكتەپتى 20 جىل بۇرىن بىتىرگەن تۇلكىباستىق تۇلەكتەر جاسادى، دەپ حابارلايدى قازاقپارات ءتىلشىسى.
الماگۇل ەسىمدى كەلىنشەككە باسپانانىڭ كىلتىن تابىستاۋ ءساتى فەيسبۋك الەۋمەتتىك جەلىسىندە تارادى. وندا 20 جىلدىق كەزدەسۋگە جينالعان تۇلەكتەر وزدەرى جيناعان قارجىعا الىنعان ءۇيدى كوپ بالالى اناعا سالتاناتتى تۇردە تابىستاۋ ءساتى كورسەتىلگەن.
الەۋمەتتىك جەلى قولدانۋشىلارى تۇلەكتەردىڭ بۇل قايىرىمدى ىسىنە العىستارىن بىلدىرۋدە.
«سەندەر ءبىر وتباسىن قۋانىشقا بولەپ، يگىلىكتى ءىس جاساپ قويماي، مىنا بارشا ەلگە ونەگە بولدىڭدار»، - دەگەن تىلەكتەر جازىپ قالدىرعان.
