نۇرتاي سابيليانوۆ: 20 -عاسىردىڭ سوڭىنان پاتەر كەزەگىندە تۇرعان ازاماتتار بار
بۇل تۋرالى بۇگىن ماجىلىستەگى «نۇرلى جەر» تۇرعىن ءۇي قۇرىلىسى باعدارلاماسىن ىسكە اسىرۋ بارىسى» تاقىرىبىندا وتكەن جاتقان دوڭگەلەك ۇستەل بارىسىندا دەپۋتات نۇرتاي سابيليانوۆ ايتتى، دەپ حابارلايدى قازاقپارات ءتىلشىسى.
«نۇرلى جەر» اسا قاجەتتى باعدارلاما. ويتكەنى، بۇل قوعامداعى ەڭ ۇلكەن، وزەكتى ماسەلە حالىقتىڭ تۇرعىن ۇيگە دەگەن مۇقتاجدىعىن شەشەتىن باعدارلاما دەپ ويلايمىن. وسىعان بايلانىستى بىرىنشىدەن، جوبالىق-سمەتالىق قۇجاتتاردى ۋاقىتىندا ازىرلەۋگە، سونىمەن قاتار «نۇرلى جەر» باعدارلاماسىنا ءبولىنىپ جاتقان قاراجاتتى ماقساتىنا ساي، ءتيىمدى جۇمسالۋىنا ەرەكشە نازار اۋدارۋ كەرەك»، - دەدى ءماجىلىس دەپۋتاتى.
ونىڭ ايتۋىنشا، ەكىنشىدەن، سالىنىپ جاتقان تۇرعىن ۇيلەرىنىڭ قۇرىلىس ساپاسىن قامتاماسىز ەتۋ قاجەت. ياعني، سالىنعان پاتەر ساپالى بولۋى ءتيىس. وسىعان بايلانىستى تۇرعىن ءۇيدى سالىپ جاتقان مەردىگەرلەردىڭ دە جاۋاپكەرشىلىگى ارتتىرۋى كەرەك.
«سونىمەن قاتار قازىرگى كەزدە تۇرعىن ءۇي كەزەگىندە تۇرعان باسپاناعا مۇقتاج ازاماتتار بار. ولاردىڭ ءبىرقاتارى 20 -عاسىردىڭ 90- جىلدارىنان، كەيبىرەۋلەرى 21 -عاسىردىڭ باسىنان كەزەكتە تۇرعان. سوندىقتان 90-95 -جىلدارى كەزەككە تۇرعان ازاماتتاردى ءبىرىنشى كەزەكتە تۇرعىن ۇيمەن قامتاماسىز ەتۋگە ەرەكشە نازار اۋدارىپ، وعان قاراجات كوپ ءبولىنۋى ءتيىس. كەيىن تۇرعانداردى ودان كەيىن رەت- رەتىمەن قامتاماسىز ەتۋىمىز قاجەت»، - دەدى نۇرتاي سابيليانوۆ.