استانادا 20 مىڭعا جۋىق جاڭا جۇمىس ورنى اشىلدى
استانا قالاسىندا 2017-جىلى ءتۇرلى سالاداعى جۇمىس بەرۋشىلەرمەن 19257 تۇراقتى جاڭا جۇمىس ورىندارى، سونىڭ ىشىندە: كولىك سالاسىندا - 1876، قۇرىلىس سالاسىندا - 1977، ءوندىرىس سالاسىندا - 449، شاعىن جانە ورتا بيزنەس كاسىپورىندارىندا 14955 جۇمىس ورنى اشىلعان. بۇل جاڭادان اشىلعان جۇمىس ورىندارىنىڭ %78 قۇرايدى.
ەلوردانىڭ ەڭبەك نارىعىنداعى جاعدايدى تۇراقتاندىرۋدىڭ اياسىندا ەلوردا اكىمى اسەت يسەكەشيەۆ بەكىتكەن استانا قالاسىنىڭ تۇرعىندارىن جۇمىسپەن قامتۋ ىسىندە قولداۋ كورسەتۋدىڭ 2017-جىلعا ارنالعان كەشەندى جوسپارى جۇزەگە اسقان بولاتىن. جوسپار نەگىزىنەن جۇمىسسىز جۇرگەن ازاماتتاردى جۇمىسپەن قامتۋدى قامتيدى. قورىتىندىلارعا سايكەس مەملەكەتتىك قولداۋعا 23429 ادام يە بولدى.
جوسپار بويىنشا «نۇرلى جول»، ي ي د م ب، ب ج ك- 2020، ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ سياقتى بارلىق مەملەكەتتىك جانە ۇكىمەتتىك باعدارلامالاردىڭ اياسىندا جۇمىسپەن 21730 ادام قامتىلۋى ءتيىس ەدى. دالىرەك ايتقاندا، جوسپار %108 عا ورىندالدى.