قازاقستان استىق تاسىمالدايتىن كەمەلەر سانىن 20 عا جەتكىزەدى
بۇل تۋرالى بۇگىن ۇكىمەت ۇيىندە وتكەن باسپا ءسوز ءماسليحاتىندا «ق ت ج - جۇك تاسىمالى» ا ق- نىڭ پرەزيدەنتى ورالحان قۇلاقوۆ ايتتى، دەپ حابارلايدى قازاقپارات.
«كاسپي ارقىلى تاسىمال الەۋەتىنىڭ بارىنشا جوعارى ءوسىمىن قامتاماسىز ەتۋ ءۇشىن پورت ينفراقۇرىلىمى دامىتىلۋدا. اقتاۋ پورتىن سولتۇستىككە قاراي كەڭەيتۋ جوباسى اياقتالدى. قۇرىق پورتىندا تەمىر جول جانە پاروم كەشەنى پايدالانۋعا بەرىلدى جانە كەلەسى جىلدىڭ باسىندا ونىڭ ەكىنشى فازاسى لوگيستيكالىق ينفراقۇرىلىمى مەن كەدەندىك قىزمەت كورسەتۋ ايماعى بار اۆتوموبيلدىك پاروم كەشەنىنىڭ قۇرىلىسى اياقتالاتىن بولادى»، - دەدى ول.
كومپانيا باسشىسىنىڭ ايتۋىنشا، اقتاۋ حالىقارالىق پورتىن كەڭەيتۋ جانە قۇرىق پاروم كەشەنىن سالۋ ەسەبىنەن قازاقستاننىڭ كاسپيي ارقىلى جۇك تاسىمالداۋ كولەمى قازىرگى جىلىنا 16 ميلليون توننادان 2018 -جىلى 26 ميلليون تونناعا دەيىن ارتاتىن بولادى.
«سونىمەن قاتار كومپانيا كاسپي مەن قارا تەڭىزگە سەنىم ارتا وتىرىپ، مەنشىكتى قۇرعاق جۇك تاسيتىن پارومدى فلوت قۇرىپ، تاياۋ 5 جىلدىڭ ىشىندە كەمەلەر سانىن 4-تەن 20-عا جەتكىزۋدى جوسپارلاۋدا»، - دەدى قۇلاقوۆ.
اۆتور: مارلان جيەمباي