باتىس قازاقستاندا ءبىر كۇندە 206 ناۋقاس كوروناۆيرۋستان جازىلىپ شىقتى

ورال. قازاقپارات - باتىس قازاقستان وبلىسىندا سوڭعى تاۋلىكتە 206 ناۋقاس جازىلىپ شىقتى، دەپ حابارلايدى قازاقپارات ءتىلشىسى.

ب ق و دەنساۋلىق ساقتاۋ باسقارماسىنان ءمالىم ەتكەندەي، سوڭعى تاۋلىكتە 70 ادامنان ىندەت تابىلسا، سونىڭ 53 ىندە اۋرۋ بەلگىلەرى بار بولىپ شىقتى.

وسى اپتادا الدىڭعىمەن سالىستىرعاندا، اۋرۋ جۇقتىرۋ كورسەتكىشى 2,2 پايىزعا (11 گە) ازايدى. باسقارما مالىمەتىنە قاراعاندا، قازىرگى كەزدە 486، سونىڭ ىشىندە 404 ناۋقاس ورال قالاسىنداعى ينفەكتسيالىق ستاتسيونارلاردا ەمدەلۋدە. 38 ءى جانساقتاۋ بولىمىندە.

بۇل اۋرۋحانالاردا ەمدەلۋشىلەردىڭ كوبەيىپ وتىرعانىن كورسەتەدى. ىندەت باستالعاننان بەرى تىركەلگەن 24350 ناۋقاستىڭ 19647 ءسى ەمدەلىپ شىقتى. 367 ءسى كوز جۇمدى.

ەسكە سالا كەتەيىك، بۇدان بۇرىن ب ق و- دا 480 نەن استام ادامنىڭ ستاتسيوناردا ەمدەلىپ جاتقانىن، كوروناۆيرۋسقا قارسى ۇجىم بولىپ ەگىلۋدىڭ ماڭىزى زور ەكەندىگىن جازعان بولاتىنبىز.