پاۆلودار قالاسىنا 206 ادام كوشىپ كەلدى

None
None
پاۆلودار. قازاقپارات - وتكەن جىلى پاۆلودار قالاسىنا 36 وتباسى قونىس اۋداردى، دەپ حابارلايدى قازاقپارات شاھار اكىمدىگىنە سىلتەمە جاساپ.

«2017 -جىلدان باستاپ پاۆلودار قالاسى ەڭبەك كۇشى مول وڭىرلەردەن قونىس اۋدارۋشىلاردى جانە ورالمانداردى قابىلدايدى. جۇمىسپەن ناتيجەلى قامتۋدى جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋ شەڭبەرىندە 2019 -جىلى پاۆلودارعا 36 وتباسى كوشىپ كەلدى. بارلىعى 206 ادام، ونىڭ ىشىندە 14 وتباسى - جاقىن شەتەلدەردەن كەلگەن ورالماندار. جۇمىس كۇشىنىڭ ۇتقىرلىعىن ارتتىرۋ ماقساتىندا جاڭادان كەلگەن پاۆلودارلىقتار قونىس اۋدارۋعا سۋبسيديا، سونداي- اق تۇرعىن ءۇيدى باستاپقى جالداۋ شىعىندارىن وتەۋگە قاراجات الدى» ، - دەلىنگەن اكىمدىك مالىمەتىندە.

ەرىكتىلەردىڭ ءبىرى - موڭعول حالىق رەسپۋبليكاسىنان قازاقستاننىڭ سولتۇستىگىنە كوشىپ كەلگەن شىڭعىس مۇستاحين. 2015 -جىلدان باستاپ 2019 -جىلعا دەيىن س. تورايعىروۆ اتىنداعى پمۋ كوللەدجىندە «مۇناي- گاز ءىسى» ماماندىعى بويىنشا وقىدى. وقۋدى اياقتاعاننان كەيىن حالىقتى جۇمىسپەن قامتۋ ورتالىعى ارقىلى «Nur Otan» پارتياسىنىڭ فيليالىنا جاستار پراكتيكاسىنىڭ مامانى رەتىندە جۇمىسقا ورنالاستىرىلدى. ءبىر جىل ىشىندە وعان تۇرعىن ءۇيدى جالعا الۋ بويىنشا شىعىنداردى وتەۋگە سۋبسيديا تۇرىندە قولداۋ كورسەتىلەدى. سونداي- اق، شىڭعىس كوشۋگە ءبىر جولعى 88,4 مىڭ تەڭگە سۋبسيديا الدى.

الداعى جىلى بەلگىلەنگەن كۆوتا بويىنشا 108 وتباسى، بارلىعى 540 ادام كەلەتىنى كۇتىلەدى.

قازاقستاندىقتاردىڭ قونىس اۋدارۋى ەڭبەك كۇشى مول وبلىستاردان (الماتى، جامبىل، ماڭعىستاۋ، تۇركىستان، قىزىلوردا) ، سونداي- اق نۇر- سۇلتان جانە شىمكەنت قالالارىنان جۇرگىزىلەدى.

اتاپ وتىلگەندەي، بىردە- ءبىر وتباسى بۇرىنعى تۇرعىلىقتى جەرىنە قايتىپ ورالماعان.


سوڭعى جاڭالىقتار