الماتى 2050-جىلى قالاي تۇرلەنەدى؟

الماتى. قازاقپارات - بۇگىن الماتى اكىمى باقىتجان ساعىنتايەۆ قوعام تالقىسىنا ۇسىنعان دامۋ ستراتەگياسىندا 7 باسىم باعىت ايقىندالدى، دەپ حابارلايدى قازاقپارات ءتىلشىسى.

2050-جىلعا دەيىنگى ستراتەگيادا 7 سالاعا باسىمدىق بەرىلدى:

1. شەكاراسىز قالا

2. «اقىلدى» قالا.

3. تەڭ مۇمكىندىكتەر قالاسى.

4. قاۋىپسىز قالا.

5. جاسىل قالا.

6. جاھاندىق ىسكەرلىك ورتالىق.

7. مادەني قالا.

قۇجاتقا سايكەس، الماتى الەۋمەتتىك، دىلدىك جانە فيزيكالىق كەدەرگىلەرسىز قالاعا اينالۋى ءتيىس. شاھاردا باقۋاتتى «جوعارعى جاق»، دامىماعان وندىرىستىك «تومەنگى جاق»، دامىماعان شەتكى ايماقتار ۇعىمى بولماۋى كەرەك. قالانىڭ ءار بۇرىشى ورتالىققا اينالادى. ۇزاق مەرزىمدى پەرسپەكتيۆادا قالانىڭ شەتكى اۋداندارى مەن تومەنگى جاقتارىندا پوليتسەنتريزم قاعيداسى 6 ايماقتا جاسالادى.

2050-جىلعا تامان الماتى مۇمكىندىگى شەكتەۋلى ازاماتتار ءۇشىن قولايلى، smart تاجىريبەنى بارلىق جەرگە ەنگىزگەن قالا بولادى.

مۇندا قىلمىس كورسەتكىشىن ءارى توتەنشە جاعدايلاردىڭ بولۋ ىقتيمالدىعىن تومەندەتۋ جوسپارلانىپ وتىر.

مەگاپوليس جاڭا جىبەك جولىنداعى حالىقارالىق ساۋدا جانە قارجى ورتالىعىنا اينالادى.

قالانىڭ ەكولوگيالىق احۋالى تۇزەلىپ، باستى وزەندەر اراسىندا ەكولوگيالىق دالىزدەر سياقتى بىرەگەي جوبالار جۇزەگە اسادى.

ъ