2050 -جىلعا قاراي قازاقستاندا حالىق سانى 25 ميلليون ادامعا جەتۋى مۇمكىن

نۇر- سۇلتان. قازاقپارات - 2050 -جىلعا قاراي قازاقستاندا حالىق سانى 25 ميلليون ادامعا جەتۋى مۇمكىن. بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى سەرىك شاپكەنوۆ ايتتى، دەپ حابارلايدى قازاقپارات ءتىلشىسى.

«ەلىمىزدە 294 مىڭنان استام كوپبالالى وتباسى بار. جىل سايىن قازاقستاندا تۋۋ كورسەتكىشى ءوسىپ كەلەدى»، - دەدى ۆيتسە مينيستر «انا مەن بالانى الەۋمەتتىك قولداۋ: زاماناۋي تالاپتار مەن جاڭا تاسىلدەر» اتتى دوڭگەلەك ۇستەل وتىرىسىندا.

وسى ورايدا ول بالا تۋۋدى ىنتالاندىرۋ ۇلتتىق قاۋىپسىزدىكتىڭ ستراتەگياسى ەكەنىن اتاپ ءوتتى.

«تالداۋ ناتيجەلەرى بويىنشا 2050 -جىلعا قاراي حالىق سانى 1,3 ەسەگە ءوسىپ، 25 ميلليون ادامعا جەتۋى مۇمكىن»، - دەدى سەرىك شاپكەنوۆ.

ايتا كەتەيىك، ەلوردادا «اۋىل» حالىقتىق- دەموكراتيالىق پاتريوتتىق پارتياسى حالىقتى الەۋمەتتىك قورعاۋ ماسەلەسىنە قاتىستى دوڭگەلەك ۇستەل وتىرىسىن ۇيىمداستىردى. بۇدان بۇرىن حابارلانعانداي، قازاقستان حالقىنىڭ سانى 18 ميلليون 785 مىڭ ادامعا جەتتى.