ب ۇ ۇ: 2050 -جىلعا دەيىن الەم حالقىنىڭ سانى 2,2 ميللياردقا ارتادى
بۇل تۋرالى بىرىككەن ۇلتتار ۇيىمىنىڭ حالىق سانى جونىندەگى قورى (ي ن ف پ ا) مالىمدەدى، دەپ حابارلايدى «قازاقپارات» ح ا ا.
قوردىڭ «2018 -جىلعى الەم حالقىنىڭ سانى» اتتى بايانداماسىندا وسى ءوسىمنىڭ جارتىسىنان استامىن افريكانىڭ ساحارا شولىنەن وڭتۇستىككە قاراي ورنالاسقان ەلدەرى قامتاماسىز ەتەتىندىگى ايتىلعان.
«قازىرگى كەزدە الەمدەگى 43 ەلدە ءبىر ايەلگە شاققانداعى تۋۋ كورسەتكىشى ءتورت بالادان اسادى. وسى تىزىمدەگى 38 ەل افريكا قۇرلىعىندا ورنالاسقان»، - دەلىنگەن باياندامادا.
ب ۇ ۇ كەلتىرگەن مالىمەتتەرگە قاراعاندا، سوڭعى شيرەك عاسىردا الەم بويىنشا رەپرودۋكتيۆتىك قۇقىققا بايلانىستى احۋال مەيلىنشە جاقسارعان. دەگەنمەن جىل سايىن 300 مىڭعا جۋىق ايەل تۋۋ كەزىندە قايتىس بولادى. ماماندار بۇعان سەبەپ رەتىندە سول ەلدەردەگى رەپرودۋكتيۆتىك قۇقىق تولىققاندى قامتاماسىز ەتىلمەگەندىگىن كورسەتەدى.