+7 (701) 759 90 19
-2 °С : نۇر-سۇلتان
0 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

نۇر-سۇلتاننان 203 وتباسى ەكىباستۇزعا كوشىپ باردى

12 قىركۇيەك 22:32
:ءبولىسۋ
نۇر-سۇلتاننان 203 وتباسى ەكىباستۇزعا كوشىپ باردى

ەكىباستۇز. قازاقپارات - «نۇرلى ەرتىس» پيلوتتىق جوباسىن ىسكە اسىرۋ اياسىندا پاۆلودار وبلىسىنا ەرىكتى تۇردە قونىس اۋدارۋ بويىنشا 2019 -جىلدىڭ مامىرىنان بەرى ەل استاناسىنان ەكىباستۇزعا 203 وتباسى نەمەسە 1 مىڭ 169 ادام كوشتى.

بۇل جونىندە ەڭبەك جانە حالىقتى الەۋمەتىتك قولداۋ مينيسترلىگىنىڭ باسپا ءسوز قىزمەتى حابارلادى.

جۇمىس كۇشى ارتىق وڭىرلەردىڭ ءتىزىمىن بيىلعى مامىر ايىندا نۇر-سۇلتان قالاسى تولىقتىردى. كەنشىلەر قالاسىنا كوشۋدى شەشكەن ەلوردا تۇرعىندارى ءۇشىن ەكىباستۇزدا ءومىر سۇرۋگە بارلىق جاعداي جاسالعان. قونىس اۋدارۋشىلاردى تۇرعىن ۇيمەن، جۇمىسپەن قامتاماسىز ەتەدى، ال قاجەت بولعان جاعدايدا وقۋعا جىبەرەدى.

ەكىباستۇزعا العاشقىلاردىڭ ءبىرى بولىپ كوپبالالى شاپاعات پەن سالتانات ماليكوۆتار كوشىپ كەلدى.

«وسى جىلدىڭ مامىر ايىندا «نۇرلى ەرتىس» جوباسىنىڭ قاتىسۋشىلارى رەتىندە ءبىز ەلوردادان ەكىباستۇزعا كوشىپ كەتتىك. كەلگەننەن كەيىن بىزگە جالدامالى تۇرعىن ءۇي - 3 بولمەلى پاتەر بەرىلدى. جولداسىمدى «وپتيما ترانس» ج ش س-دە اۆتومەحانيكرەتىندە جۇمىسقا ورنالاستىردى. ءبىزدىڭ ءتورت بالامىز بار. ەكى كىشكەنتايىمىز ەگىزدەر، 2 جاستا. ۇلكەندەرىمىز ەكىنشى جانە التىنشى سىنىپتاردا وقيدى. بالاباقشا، مەكتەپتە تاماقتانۋ جانە بالالارعا ارنالعان قوعامدىق كولىكتەر - بارلىعى تەگىن! وتباسىمىزدىڭ ءومىرى جاقساردى دەپ سەنىممەن ايتا الامىن»، - دەپ سالتانات ماليكوۆا ءوز قۋانىشىمەن ءبولىستى.

ەلوردادان ەكىباستۇزعا كوشكەن 203 وتباسىنىڭ 122 سى - 3 بولمەلى پاتەرگە، 69 وتباسى - 2 بولمەلى پاتەرگە جانە 12 وتباسى - 1 بولمەلى پاتەرگە جايعاستى.

«نۇرلى- ەرتىس» جوباسى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان «ەڭبەك» مەملەكەتتىك باعدارلاماسى اياسىندا جۇزەگە اسىرىلۋدا. ازاماتتاردى جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە قونىس اۋدارۋ وسى مەملەكەتتىك باعدارلامانىڭ ماڭىزدى باعىتتارىنىڭ ءبىرى بولىپ تابىلادى جانە كەلەسى مەحانيزمدەردى كوزدەيدى:

- كوشۋگە 35 اەك نەمەسە وتباسىنىڭ ءاربىر مۇشەسىنە 88 مىڭ تەڭگە مولشەرىندە اي سايىنعى سۋبسيديا تولەۋ؛

- قالالىق اۋدانداردا تۇرعىن ءۇيدى جالعا الۋعا اي سايىنعى شىعىستاردى 75 مىڭ تەڭگەگە دەيىن (30 ا ە ك) جانە اۋىلدىق جەرلەردە وتباسى مۇشەلەرىنىڭ سانىنا بايلانىستى 53 مىڭ تەڭگەگە دەيىن (21 ا ە ك) وتەۋ؛

- جۇمىس بەرۋشىلەرگە كەمىندە 5 ادامنىڭ جۇمىسقا ورنالاسۋىنا ىقپال جاساعان جاعدايدا، 450 ا ە ك نەمەسە 1 ميلليون 136 مىڭ تەڭگە كولەمىندە سۋبسيديا بەرىلەدى؛

- قاجەتتى جۇمىس قۇرالدارىن، تەحنولوگيالىق جابدىقتاردى، ءۇي جانۋارلارى مەن قۇستارىن ساتىپ الۋ، جاڭا بيزنەس- يدەيالاردى ىسكە اسىرۋ ءۇشىن مەملەكەتتىك باعدارلامانىڭ قاتىسۋشىلارىنا 200 ا ە ك- كە دەيىن قاراجات بولىنەدى؛

- قونىس اۋدارۋشىلار تەحنيكالىق جانە كاسىپتىك ءبىلىم الۋعا، قىسقا مەرزىمدى كۋرستارعا قول جەتكىزە الادى، سونداي-اق ولارعا جۇمىسقا ورنالاسۋعا جاردەم كورسەتەدى.

«ەرىكتى قونىس اۋدارۋدىڭ ماقساتى - ەڭبەك كۇشى تاپشى وڭىرلەردى جۇمىس كۇشىمەن قامتاماسىز ەتۋ جانە وڭىرلىك سايكەسسىزدىكتەر مەن دەموگرافيالىق تەڭگەرىمسىزدىكتى جويۋ. ەرىكتى تۇردە قونىس اۋدارۋعا الماتى، تۇركىستان، جامبىل، قىزىلوردا، ماڭعىستاۋ وبلىستارىنىڭ جانە شىمكەنت جانە نۇر-سۇلتان قالالارىنىڭ تۇرعىندارى قاتىسا الادى. بۇگىنگى كۇنى قونىس اۋدارۋشىلاردى قابىلداۋ ءۇشىن ءتورت ءوڭىر بەكىتىلدى: س ق و، ش ق و، پاۆلودار جانە قوستاناي وبلىستارى»، - دەپ حابارلادى مينيمترلىكتىڭ حالىقتى جۇمىسپەن قامتۋ دەپارتامەنتىنىڭ باسقارما باسشىسى ايجان جاپالبايەۆا.

2019 -جىلدىڭ 8 ايىندا «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە ەڭبەك كۇشى تاپشى وڭىرلەردەن 1 مىڭ 650 وتباسى نەمەسە 5 مىڭ 918 ادام كوشىپ كەلدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات