+7 (701) 759 90 19
28 °С : نۇر-سۇلتان
32 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

2032-جىلعى وليمپيادا ويىندارى اۋسترالياداعى بريسبەن قالاسىندا وتەتىن بولدى

21 شىلدە 19:33
:ءبولىسۋ
2032-جىلعى وليمپيادا ويىندارى اۋسترالياداعى بريسبەن قالاسىندا وتەتىن بولدى

توكيو. kyodo-قازاقپارات - حالىقارالىق وليمپيادا كوميتەتىنىڭ شەشىمىمەن 2032-جىلعى وليمپيادا ويىندارى اۋستراليانىڭ بريسبەن قالاسىندا وتەتىن بولدى.

بۇل تۋرالى توكيودا وتكەن ح و ك سەسسياسىنان كەيىن ءمالىم ەتىلدى، دەپ حابارلايدى قازاقپارات kyodo اگەنتتىگىنە سىلتەمە جاساپ.

اۋستراليادا وليمپيادا ويىندارى العاش رەت 1956-جىلى مەلبۋرندە، ەكىنشى رەت 2000-جىلى سيدنەيدە بولعان. ەندى بريسبەن وسى ەلدىڭ ءدۇبىرلى دودا وتەتىن ءۇشىنشى قالاسى اتانىپ وتىر.

«حالىقارالىق وليمپيادا كوميتەتى 35-وليمپيادانىڭ اۋسترالياداعى بريسبەن قالاسىندا وتەتىنىن حابارلايدى»، - دەدى ح و ك باسشىسى توماس باح.

ويىنعا قاتىسۋ ءوتىنىشىن اۋستراليا وليمپيادا كوميتەتىنىڭ پرەزيدەنتى جانە ح و ك ۆيتسە-پرەزيدەنتى دجون كوۋتس ۇسىنعان.

ويىندار 2032-جىلى 23 - شىلدەدە باستالماق. ح و ك- تىڭ اتقارۋ كوميتەتى ءبىراۋىزدان بريسبەن قالاسىن 2032-جىلدىڭ ماۋسىمىندا قابىلداۋشى تاراپ رەتىندە ۇسىندى. وسى جىلدىڭ اقپان ايىندا ح و ك بۇل قالانىڭ ويىنداردى وتكىزۋگە قولايلى جەر ەكەنىن ايتقان. كۆينسلەند پرەمەر-ءمينيسترى اناستەيشا پالاشۋك پەن بريسبەن مەرى ادريان شريننەردىڭ باسشىلىعىمەن اۋستراليالىق دەلەگاتسيا ح و ك سەسسياسىنىڭ مۇشەلەرىنە ءوز قالالارىنىڭ ارتىقشىلىقتارى تۋرالى ايتىپ بەردى.

اۋستراليانىڭ پرەمەر-ءمينيسترى سكوتت مورريسون جاپونياعا كەلە المادى. ويتكەنى ول لوندونداعى G7 سامميتىنە بارىپ كەلگەننەن كەيىن ەكى اپتالىق كارانتيننەن وتۋدە. پرەمەر-مينيستر سەسسياعا بەينەبايلانىس ارقىلى قوسىلدى.

«اۋستراليا مەن كۆينسلەند ۇكىمەتى ويىندارعا دايىندىق كەزىندە جۇزەگە اساتىن ينفراقۇرىلىمدىق جوبالاردى تولىعىمەن قارجىلاندىرادى»، - دەدى ول.

2,2 ميلليون حالقى بار بريسبەن - اۋستراليانىڭ اۋماعى بويىنشا ءۇشىنشى ءىرى قالاسى جانە كۆينسلەند شتاتىنىڭ استاناسى. ول ەلدىڭ ج ءى و- ءنىڭ %9 ىن قۇرايدى. ال 2024- جانە 2028-جىلعى جازعى ويىندار پاريج جانە لوس-اندجەلەس قالالارىندا وتپەك.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات