ۇلى بريتانيا 2030-جىلعا دەيىن تەمەكىدەن تۇبەگەيلى باس تارتپاق
ونىڭ نەگىزگى ماقساتتارىنىڭ ءبىرى - 2030-جىلعا دەيىن تەمەكىدەن تۇبەگەيلى باس تارتۋ.
ۇلى بريتانيا الەمدەگى تەمەكىگە قارسى ەڭ قاتاڭ زاڭدى ۇستاناتىن مەملەكەتتەردىڭ ءبىرى بولىپ تابىلادى. 1985-جىلى بۇل ەلدە تەلەديداردان، ال 2003-جىلى - جارناما تاقتاسىنان تەمەكىنى جارنامالاۋعا تىيىم سالىندى؛ 2005-جىلدان باستاپ تەمەكى كومپانيالارىنا كوپشىلىككە ارنالعان ءىس-شارالارعا جانە سپورتتىڭ جارىستارعا دەمەۋشى بولۋعا رۇقسات ەتىلمەيدى.
2007-جىلى ۇلى بريتانيا الەمدەگى العاشقى ەل بولىپ مەيرامحانالار مەن ءدامحانالاردا تەمەكى تارتۋعا تىيىم سالدى. ەلدەگى بارلىق اۋەجايلار شىلىمقورلارعا ارنالعان بولمەلەردى الىپ تاستادى. ءدال سول 2007-جىلى بيلىك وكىلدەرى تەمەكى ساتىپ الۋعا رۇقسات ەتىلەتىن جاستى 16 دان 18 گە دەيىن كوتەردى.
2010-جىلداردان بەرى ەلدە ۇدايى شىلىمنان ءبىر ايعا باس تارتىپ، ناتيجەسىن كورۋگە شاقىراتىن Stoptober سىندى ناۋقاندار وتكىزىلىپ تۇرادى.