لوزاننادا 2026-جىلى قىسقى وليمپيادا وتەتىن قالا بەلگىلى بولدى

None
None
نۇر-سۇلتان. قازاقپارات - 2026-جىلى وتەتىن 25-قىسقى وليمپيادا ويىندارى وتەتىن قالا بەلگىلى بولدى، دەپ حابارلايدى قازاقپارات.

ق ر ۇلتتىق وليمپيادالىق كوميتەتى حابارلاعانداي، 24- ماۋسىم كۇنى شۆەيتساريانىڭ لوزاننا قالاسىندا حالىقارالىق وليمپيادا كوميتەتىنىڭ 134-سەسسياسى ءوتتى. 26- ماۋسىمعا دەيىن جالعاساتىن الەمدىك جيىندا 2026-جىلى وتەتىن قىسقى وليمپيادا ويىندارىنىڭ استاناسى انىقتالدى.

ХХІV قىسقى وليمپيادا ويىندارىن يتاليانىڭ ميلان جانە كورتينا-د'امپەتستسو قالالارى وتكىزەتىن بولىپ شەشىلدى. قالالاردى تاڭداۋ داۋىس بەرۋ ناتيجەلەرى ارقىلى انىقتالدى.

سونداي-اق، اتالعان سەسسيادا ح و ك- ءتىڭ قازىرگى جانە كەلەشەكتەگى ساياساتىنا قاتىستى ءبىرقاتار ماسەلەلەر تالقىلانادى. سەسسيا جۇمىسىنا قازاقستان ۇ و ك باسشىسى تيمۋر قۇلىبايەۆ تا قاتىسۋدا.

ەستەرىڭىزگە سالا كەتەيىك، 2022-جىلى وتەتىن 24- قىسقى وليمپيادا ويىندارىن قازاقستاننىڭ الماتى قالاسىمەن تالاسقا تۇسكەن قىتاي استاناسى بەيجىڭ قالاسى جەڭىپ العان بولاتىن.

ايتا كەتەيىك، قازاقستان تاۋەلسىز ەل رەتىندە ەڭ العاش قىسقى وليمپيادا ويىندارىنا 1994-جىلى نورۆەگيانىڭ ليللەحامەر قالاسىندا وتكەن XⅦويىنداردان باستادى. العاشقى ويىندا اتاقتى شاڭعىشى ۆلاديمير سميرنوۆ 1 التىن، 2 كۇمىس جەڭىپ الدى.

سودان بەرى قازاقستان قۇراماسى قىسقى ويىندارعا ۇزبەي قاتىسىپ كەلەدى.

1998 XⅧ قىسقى وليمپيادا ويىندارىنىڭ الاۋى جاپونيانىڭ ناگانو قالاسىندا تۇتاندى. وندا قازاقستان قۇراماسىنان شاڭعىشى ۆلاديمير سميرنوۆ پەن كونكيمەن جۇگىرۋشى ليۋدميلا پروكاشيەۆا قولا مەدال جەڭىپ الدى.

قازاقستان سپورتشىلارى 2002-جىلى ا ق ش- تىڭ سولت-لەيك-سيتي قالاسىندا وتكەن XІХ قىسقى وليمپيادا ويىندارى مەن 2006-جىلعى يتاليانىڭ تۋرين قالاسىندا الاۋى تۇتانعان XX قىسقى وليمپيادا ويىندارىندا جۇلدەسىز قالدى.

ال 2010 ХХІ  قىسقى وليمپيادا ويىندارىن كانادانىڭ ۆانكۋۆەر قالاسى قابىلدادى. وندا قازاقستاندىق بياتلونشى ەلەنا حرۋستاليەۆا جەكەلەي سىندا كۇمىس مەدالدى جەڭىپ السا، 2014 -جىلى سوچيدە وتكەن XXII قىسقى وليمپيادا ويىندارىندا مانەرلەپ سىرعاناۋدان ەرلەر اراسىنداعى جەكەلەي باسەكەدە دەنيس تەن قوس باعدارلامادا 255,1 ۇپاي جيناپ، قازاقستان قورجىنىنا قولا جۇلدەنى سالدى.

سونعى پحەنچحان قالاسىندا وتكەن قىسقى ويىنداردا فريستايل-موگۋلدان يۋليا گالىشەۆا قولا مەدال جەڭىپ العان بولاتىن.

اۆتور: كۇنسۇلتان وتارباي

سوڭعى جاڭالىقتار