بارلىق كوللەدجدەردەگى ءبىلىم 2025-جىلعا قاراي تەگىن بولادى
8 جەلتوقسان, 22:45

بارلىق كوللەدجدەردەگى ءبىلىم 2025-جىلعا قاراي تەگىن بولادى

استانا. قازاقپارات - 2025-جىلعا دەيىن بارلىق تالاپكەر كوللەدجدە تەگىن وقۋعا مۇمكىندىك الادى. بۇل تۋرالى ونلاين-بريفينگ بارىسىندا وقۋ-اعارتۋ مينيسترلىگى تەحنيكالىق جانە كاسىپتىك ءبىلىم دەپارتامەنتىنىڭ باسشىسى التاي راحيمبەرلين ءمالىم ەتتى، دەپ حابارلايدى قازاقپارات ءتىلشىسى.

«بيىل ەلىمىزدىڭ كاسىپتىك-تەحنيكالىق وقۋ ورىندارىنا 180 مىڭنان استام تالاپكەر قابىلداندى. ونىڭ ىشىندە 125 مىڭنان استام تالاپكەر مەملەكەتتىك گرانتتارعا يە بولدى. جالپى، «ءبىلىمدى ۇلت» ساپالى ءبىلىم بەرۋ ۇلتتىق جوباسى اياسىندا بارلىق كوللەدجگە تۇسۋگە نيەت بىلدىرۋشىلەردى تەگىن بىلىممەن قامتۋدى جوسپارلاپ وتىرمىز. 2025-جىلعا دەيىن تالاپكەرلەردىڭ تۇگەلى كوللەدجدە تەگىن وقۋعا مۇمكىندىك الادى»، - دەپ ءتۇسىندىردى التاي راحيمبەرلين.

ونىڭ ايتۋىنشا، اكادەميالىق دەربەستىك العان كوللەدجدەردە وقۋ مەرزىمى 3 جىل 10 ايدان، 2 جىلعا دەيىن قىسقارادى. سونىمەن بىرگە، كاسىپتىك-تەحنيكالىق ءبىلى بەرۋ ۇيىمدارى جەرگىلىكتى كاسىپورىندارمەن كەلىسىم جاساسادى.

سونىڭ نەگىزىندە ولار وقۋدى اياقتاعاننان كەيىن 100 پايىز جۇمىسقا ورنالاسۋعا كەپىلدىك الماق.

جاڭالىقتار