USD 436.29 EUR 492.83
RUB 5.92 CNY 68.48
جاڭالىقتار

ۇلتتىق جوبا: 2025 -جىلعا دەيىن بارلىق اۋىلدا العاشقى مەديتسينالىق مەكەمە بولادى

15 قازان 19:04
:ءبولىسۋ
ۇلتتىق جوبا: 2025 -جىلعا دەيىن بارلىق اۋىلدا العاشقى مەديتسينالىق مەكەمە بولادى

نۇر- سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي ورتالىق كوممۋنيكاتسيالار قىزمەتىندە وتكەن بريفينگىدە ب ا ق وكىلدەرىنە «سالاۋاتتى ۇلت» ءار ازامات ءۇشىن ساپالى جانە قولجەتىمدى دەنساۋلىق ساقتاۋ» اتتى ۇلتتىق جوبانى تانىستىردى، دەپ حابارلايدى قازاقپارات ءتىلشىسى.

«ۇلتتىق جوبا 4 باعىتتان تۇرادى. ءبىرىنشى باعىت مەديتسينالىق كومەكتىڭ قولجەتىمدىلىگى مەن ساپاسىن ارتتىرۋعا بايلانىستى. ەكىنشى باعىت ەپيدەميولوگيالىق بولجاۋ مەن دەن قويۋدىڭ زاماناۋي جۇيەسىن قالىپتاستىرۋعا ارنالعان. ءۇشىنشى باعىت وتاندىق فارماتسيەۆتيكا سالاسىنىڭ دامۋىنا ىقپال ەتەدى. ءتورتىنشى باعىت سالاۋاتتى ءومىر سالتىن ۇستاناتىن حالىقتىڭ ۇلەسىن ارتتىرۋعا جانە بۇقارالىق سپورتتى دامىتۋعا باعىتتالعان»، - دەدى مينيستر.

ونىڭ مالىمەتى بويىنشا، ۇلتتىق جوبانىڭ ءبىرىنشى باعىتىن ىسكە اسىرۋ ءۇشىن حالىقتىڭ مەديتسينالىق قىزمەت ساپاسىنا قاناعاتتانۋ دەڭگەيىن % 80 دەيىن ارتتىرۋ كوزدەلگەن.

«اۋىلدىق ەلدى مەكەندەر، ونىڭ ىشىندە تىرەك جانە سپۋتنيك اۋىلدار العاشقى مەديتسينالىق- سانيتارلىق كومەك ۇيىمدارىمەن % 100 قامتاماسىز ەتىلەدى. كەم دەگەندە 40 دەنساۋلىق ساقتاۋ وبەكتىسىن جانە 2 عىلىمي ورتالىقتى جاڭعىرتۋ جوسپارلانعان. تەگىن مەديتسينالىق كومەكتىڭ كەپىلدىك بەرىلگەن كولەمى مەن مىندەتتى الەۋمەتتىك- مەديتسينالىق ساقتاندىرۋ جۇيەسى شەڭبەرىندە مەديتسينالىق كومەكتىڭ جالپى كولەمىندە امبۋلاتوريالىق دەڭگەيدە مەديتسينالىق كومەك كولەمىن كەڭەيتۋ قاراستىرىلعان»، - دەدى الەكسەي سوي.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات