قازاقستاندا 2025 -جىلعا قاراي بىلىكتى ماماندار تاپشىلىعى سەزىلەدى
ونىڭ ايتۋىنشا، ەڭبەك جانە حالىقتى الەۋمەتتىك قورعاۋ مينيسترلىگى جاھاندىق سىن- قاتەرلەردى جانە ەلدە بولىپ جاتقان ۇردىستەردى ەسكەرە وتىرىپ، قازاقستاننىڭ بولاشاق ەڭبەك نارىعى تۋرالى پايىمىن ازىرلەگەن. 2025 -جىلعا قاراي حالىق سانى 19,8 ميلليونعا دەيىن جەتىپ، 1,6 ميلليونعا وسەدى دەگەن بولجام بار. جۇمىس كۇشىنىڭ سانى 6,7 پايىزعا كوبەيىپ، 9,8 ميلليون ادامدى قۇرايتىن بولادى.
«ەكونوميكانىڭ تەحنولوگيالىق جاڭعىرۋىن ەسكەرە وتىرىپ، 2025 -جىلعا قاراي كادر تاپشىلىعى 570 مىڭنان استام ادامدى قۇرايدى. ورتا جانە جوعارى بىلىكتىلىكتى قاجەت ەتەتىن جۇمىس ورىندارىنىڭ سانى 766 مىڭعا ۇلعايادى دەپ بولجانۋدا. تومەن بىلىكتىلىكتى قاجەت ەتەتىن ەڭبەككە سۇرانىس قىسقارادى. ەكونوميكانىڭ ءداستۇرلى سالالارىن جاڭعىرتۋ ەسەبىنەن وسىنداي جۇمىس ورىندارىنىڭ سانى 530 مىڭعا ازايادى» ، - دەدى ب. ساپاربايەۆ.
سونىمەن قاتار ول ەڭبەك ونىمدىلىگى ءوسۋ اياسىندا جۇمىس كۇشىنىڭ اۋىل شارۋاشىلىعىنان ءبىلىم بەرۋ، قۇرىلىس، كولىك، ساۋدا جانە باسقا دا قىزمەتتەر سياقتى اناعۇرلىم ءونىمدى سالالارعا اۋىسۋى بايقالاتىنىن ايتتى.