مينيستر 2025 - جىلعا دەيىن اۋداندىق جولداردى جوندەپ شىعۋعا ۋادە ەتتى

None
None
استانا. قازاقپارات - ق ر ينۆەستيتسيالار جانە دامۋ ءمينيسترى جەڭىس قاسىمبەك جەرگىلىكتى جەرلەردەگى بارلىق جولداردى 2025 - جىلعا دەيىن «جاقسى جاعدايعا» كەلتىرۋگە ۋادە ەتتى، دەپ حابارلايدى قازاقپارات ءتىلشىسى.

 «كەشە ەلباسى پرەمەر- مينيسترمەن كەزدەسۋ بارىسىندا «رەسپۋبليكالىق جولدار جەلىسىنە ءىرى كولەمدە قاراجات قۇيىلدى جانە قۇيىلۋدا» دەپ ايتتى. وسى تۇرعىدا ءبىز 2020-2021 -جىلدارعا دەيىن بارلىق رەسپۋبليكالىق جولدار جەلىسىن جاقسى جاعدايعا كەلتىرۋدى جوسپارلاپ وتىرمىز. قازىر الدىمىزدا جەرگىلىكتى جەرلەردەگى جول جەلىلەرىن سايكەستەندىرۋ بويىنشا تاپسىرما تۇر. ەلباسىنىڭ تاپسىرماسىنا سايكەس وبلىس ارالىق، جەرگىلىكتى جانە اۋدان ارالىق جولدار جەلىسىن جاقسارتۋ جانە دامىتۋ ماقساتىندا جىل سايىن بيۋدجەتتەن 150 ميلليارد تەڭگە قاراستىرىلادى. ونىڭ 50 پايىزى جەرگىلىكتى، 50 پايىزى رەسپۋبليكالىق بيۋدجەتتەن ءبولۋ پرينتسيپىمەن ىسكە اسىرىلادى. بۇل ءوز كەزەگىندە جىل سايىن 4 مىڭ شاقىرىم جەرگىلىكتى اۆتوجولدار جەلىسىن جوندەۋگە مۇمكىندىك بەرەدى. وسى تۇرعىدا جەرگىلىكتى جەرلەردەگى اۆتوموبيل جولدارى 2025 - جىلعا قاراي جاقسى جاعدايعا جەتەدى»، - دەدى مينيستر.

ايتا كەتەيىك، 19 - شىلدە كۇنى ەلباسى نۇرسۇلتان نازاربايەۆ ۇكىمەت باسشىسى باقىتجان ساعىنتايەۆتى قابىلداۋ كەزىندە اۋداندىق جولدارعا كوڭىل ءبولۋدى تاپسىرعان ەدى.

«ءبىز رەسپۋبليكالىق ماڭىزى بار جولدار سالۋدامىز. ال ەگەر اۋداندار اراسىندا جول جوق بولسا ادامدار ونى سەزبەيدى. مەن ۇكىمەت باسشىسىنا تاپسىرما بەردىم. اۋىل، اۋداندار ىشىندە جولدار بولۋى ءۇشىن كەيبىر كۇتە تۇراتىن جولداردى كەيىنگە قالدىرسىن. سەبەبى وندا ادامدار جۇرەدى، تاسىمال قاتىناسى بار»، - دەپ اتاپ كورسەتتى ن. نازاربايەۆ

اۆتور: داۋلەت ىزتىلەۋ

سوڭعى جاڭالىقتار