ەلىمىزدە 2025 -جىلعا قاراي 50 جاڭا اۋرۋحانا سالىنادى
بۇل تۋرالى بۇگىن ق ر دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى الەكسەي تسوي ايتتى، دەپ حابارلايدى قازاقپارات ءتىلشىسى.
«مەديتسينالىق كومەكتىڭ قولجەتىمدىلىگىن اسىرەسە اۋىلدىق جەرگە قامتاماسىز ەتۋ ءۇشىن كەلەسى ءىس- شارالار قابىلداناتىن بولادى. العاشقى مەدتسينالىق- سانيتارلىق كومەكتىڭ اتتام جەردە قولجەتىمدىلىگىن قامتاماسىز ەتۋ ءۇشىن 2025 -جىلعا دەيىن ا م س ك-نىڭ 487 نىسانى، ونىڭ ىشىندە اۋىلدىق ەلدى مەكەندەردە 137 نىسانى سالىنادى»، - دەدى ول.
ءمينيستردىڭ اتاپ وتۋىنشە، وسى ءىس- شارالاردى جۇزەگە اسىرۋدىڭ ناتيجەسىندە ءبىر دارىگەرگە بەكىتىلگەن تۇرعىنداردىڭ سانى 1860 تان 1700 پاتسيەنتكە دەيىن تومەندەيدى.
«2025 -جىلعا دەيىن ەسكى جانە اپاتتى مەديتسينالىق ۇيىمدار جەلىسىن جاڭارتۋ ءۇشىن 50 جاڭا نىسان قۇرىلىسى جۇرگىزىلەدى. ونىڭ ىشىندە مجس تەتىگى ارقىلى قالالاردا 20 ءىرى زاماناۋي كلينيكا، 5 رەسپۋبليكالىق عىلىمي ورتالىق، 2 رەسپۋبليكالىق اۋرۋحانا، 6 قالالىق جانە وبلىستىق اۋرۋحانا، 16 اۋداندىق اۋرۋحانا مەن ەمحانا سالىنادى»، - دەدى الەكسەي سوي.
سونىمەن قاتار ول جۇمىس ىستەپ تۇرعان 840 مەديتسينالىق نىسان، ونىڭ ىشىندە اۋىلدىق جەردەگى 766 نىسان كۇردەلى جوندەۋدەن وتەتىندىگىن ايتتى.
«وسى ءىس- شارالاردى جۇزەگە اسىرۋدىڭ ناتيجەسىندە 2023 -جىلى مەديتسينالىق ۇيىمدار عيماراتىنىڭ توزۋ كورسەتكىشى 58-دەن 44 پايىزعا دەيىن تومەندەيدى. بۇعان قوسا، دەنساۋلىق ساقتاۋعا جەكە ينۆەستورلاردىڭ ۇلەسى 37-دەن 42,8 پايىزعا دەيىن ارتادى»، - دەدى مينيستر.
اۆتور: مارلان جيەمباي