ەۋرو-2024: يسپانيا قۇراماسى شوتلانديانىڭ وسال تۇسىن تابا الا ما

استانا. قازاقپارات - ناۋرىزدىڭ 28 ىنەن 29 نا قاراعان ءتۇنى فۋتبولدان 2024-جىلعى ەۋروپا چەمپيوناتىنا ىرىكتەۋ ساتىسى اياسىندا 2-تۋردىڭ ءۇشىنشى ويىن كۇنى وتەدى، دەپ حابارلايدى قازاقپارات ءتىلشىسى.

بۇل كۇنى A، D، I توپتارىندا ەكىنشى تۋر ويىندارى وتكىزىلەدى.

نەگىزگى ويىننىڭ ءبىرى A توبىندا شوتلانديا مەن يسپانيا قۇرامالارى اراسىندا بولادى. يسپانيالىق فۋتبولشىلار العاشقى تۋردا ءوز الاڭىندا نورۆەگيانى 3:0 ەسەبىمەن تىزە بۇكتىردى. ال شوتلانيا ءبىرىنشى تۋردا ويىن وتكىزگەن جوق.

سونداي-اق، اتالعان توپتا گرۋزيا - نورۆەگيا قۇرامالارى كەزدەسەدى.

ال D توبىندا ۋەلس - لاتۆيا، تۇركيا - حورۆاتيا، I توبىندا كوسوۆو - اندوررا، شۆەيتساريا - يزرايل، رۋمىنيا - بەلارۋس قۇرامالارى وينايدى.

ەسكە سالساق، بۇدان بۇرىن B توبىندا فرانسيا قارسىلاسىنان 1:0 ەسەبىمەن باسىم ءتۇستى.

سونداي-اق، 26- ناۋرىزا H توبىندا قازاقستان قۇراماسى دانيانى 3:2 ەسەبىمەن ۇتتى.