ەۋرو-2024: قازاقستان قۇراماسى ەسە جىبەرگەن سلوۆەنيا تاعى جەڭىسكە جەتتى

استانا. قازاقپارات - فۋتبولدان 2024 -جىلعى ەۋروپا چەمپيوناتىنىڭ ىرىكتەۋ ساتىسىندا قازاقستان قۇراماسى سىنعا تۇسەتىن H توبىنداعى تاعى ءبىر ويىننىڭ ناتيجەسى بەلگىلى بولدى، دەپ حابارلايدى قازاقپارات ءتىلشىسى.

ەكىنشى تۋردا سلوۆەنيا ءوز الاڭىندا سان- مارينونى 2:0 ەسەبىمەن تىزە بۇكتىردى. ولاپ العاشقى تۋردا ەلوردادا قازاقستان قۇراماسىنان 2:1 ەسەبىمەن باسىم تۇسكەن بولاتىن.

كەزدەسۋ بارىسىندا سلوۆەنيالىق قۇرامادان بەنيامين شەشكو 57-مينۋتتا مەرگەندىك تانىتتى. ال 60-مينۋتتا سان- مارينو قۇراماسىنان روبەرتو دي مايو ءوزىنىڭ قاقپاسىنا گول سوعىپ الدى.

ەسكە سالساق، اتالعان توپتا 26-ناۋرىزدا قازاقستان قۇراماسى ءوز الاڭىندا دانيانى 3:2 ەسەبىمەن تىزە بۇكتىردى.

ازىرگە ەكى تۋردان كەيىن التى ۇپاي جيناعان سلوۆەنيا كوش باسىندا تۇر. ودان كەيىنگى ورىندارداعى سولتۇستىك يرلانديا، دانيا، قازاقستان قۇرامالارىنىڭ ەنشىسىندە ءۇش ۇپايدان بار. ال فينليانديا مەن سان- مارينو ازىرگە ۇپاي ەنشىلەگەن جوق.

سونداي- اق بۇگىن اتالعان توپتا سولتۇستىك يرلانديا - فينليانديا قۇرامالارى كەزدەسەدى.

ەكىنشى تۋردىڭ العاشقى ويىن كۇنىندە ءبىرقاتار كەزدەسۋدىڭ ناتيجەسى بەلگىلى بولدى.

C توبىندا انگليا ءوز الاڭىندا ۋكراينادان 2:0 ەسەبىمەن باسىم ءتۇستى. بۇل توپتا ەندى مالتا - يتاليا قۇرامالارى شەبەرلىك بايقاسادى.

J توبىندا ليحتەنشتەين يسلاندياعا 0:7 ەسەبىمەن جول بەردى. اتالعان توپتا بۇگىن ليۋكسەمبۋرگ - پورتۋگاليا، سلوۆاكيا - بوسنيا جانە گەرتسوگوۆينا قۇرامالارى جاسىل الاڭعا شىعادى.

اۆتور

ءادىلجان ۇمبەت