پاريج-2024: قازاقستان ۇ و ك العاشقى ىسكەرلىك كەزدەسۋىن وتكىزدى
كەزدەسۋ بارىسىندا كەلەسى جىلى 26- شىلدە مەن 11- تامىز ارالىعىندا فرانسيانىڭ پاريج قالاسىندا وتەتىن XXXIII جازعى وليمپيادا ويىندارىنا قازاقستاننىڭ قاتىسۋى تالقىلاندى. سونداي-اق ۇيىمداستىرۋ جۇمىستارى، ونىڭ ىشىندە قاتىسۋشىلاردى ورنالاستىرۋ جانە ولارعا ارنالعان كولىك، سونداي-اق سپورتشىلاردىڭ جاتتىعۋ جيىندارى ءسوز بولدى.
توني ەستانگە قازاقستان ۇ و ك- ءتىڭ ۇيىمداستىرۋ كوميتەتىمەن بىرلەسە ارەكەت ەتۋىن جوعارى باعالاپ، سەرىكتەستىگىنە العىس ايتتى. قازاقستان ۇ و ك باس حاتشىسى اندرەي كريۋكوۆ پاريجدەگى وليمپيادا ويىندارى ەڭ ەرەكشە ويىنداردىڭ ءبىرى بولاتىنىن ايتتى. سونداي-اق ول توكيو مەن بەيجىڭدەگى وليمپيادا كەزىندە ءبارىمىز تاپ بولعان قيىندىقتارعا قاراماستان، پاريج-2024 تە ءبىزدى ءتۇرلى جاڭالىق كۇتىپ تۇرعانىن مالىمدەپ، ۇيىمداستىرۋ كوميتەتى ۇجىمىنا العىس ءبىلدىردى. پاريج-2024 ديرەكتورلار كەڭەسىنىڭ قۇرامىندا ۇ و ك مۇشەلەرى گي دريۋ مەن جان كريستوف روللان، پاريج قالاسىنىڭ مەرى اننا يدالگو، پرەزيدەنت بريدجيت ەنريكەس پەن فرانسيا ۇ و ك حاتشىسى ديدە سەمينە، سونداي-اق باسقا دا ۇكىمەت ورگاندارى مەن سپورتتىق ۇيىمداردىڭ وكىلدەرى بار.