دەنساۋلىق سالاسىنا 2024-جىلعا قاراي جالپى ىشكى ءونىمنىڭ 5 پايىزى بولىنەدى
«2025-جىلعا قاراي العاشقى مەديتسينالىق-سانيتاريالىق كومەك پەن قوعامدىق دەنساۋلىققا جۇمسالاتىن شىعىستاردىڭ ۇلەسى پرەزيدەنت تاپسىرماسىنا سايكەس 60 پايىزعا دەيىن جەتكىزىلەدى. بۇل ءۇشىن مينيسترلىك بيۋجەت قاراجاتىن جوسپارلاۋدىڭ تيىمدىلىگىن ناتيجەگە بايلانىستى ارتتىرۋ جۇمىسىن قولعا الدى. الدىمەن، مەملەكەتتىك بيۋجەتتىڭ دەنساۋلىق ساقتاۋعا جۇمسالاتىن شىعىستارى جالپى ىشكى ءونىمنىڭ 1,9 پايىزىنان 2,8 پايىزعا دەيىن وسەدى. بۇل رەتتە قوسىمشا قاجەتتىلىك 1,2 تريلليون تەڭگەنى قۇرايتىنىن اتاپ ءوتۋ كەرەك»، - دەدى ەلجان ءبىرتانوۆ پارلامەنت سەناتىنداعى ۇكىمەتتىك ساعاتتا.
ءمينيستردىڭ ايتۋىنشا، جەكە شىعىستاردىڭ ۇلەسى قازىرگى دەڭگەيدە ساقتالۋى قاجەت. ياعني جالپى ىشكى ءونىمنىڭ 1,4 پايىزىنان اسپاۋى ءتيىس.
«بيۋجەتتىك ەمەس قوردىڭ ۇلەسى (جۇمىس بەرۋشىلەردىڭ اۋدارىمدارى جانە باسقالار) بولجاممەن 2024-جىلعا قاراي جالپى ىشكى ءونىمنىڭ 0,55 پايىزىنا دەيىن جەتكىزىلەدى. وسىلايشا، قازاقستان 2024-جىلى دەنساۋلىق ساقتاۋعا جۇمسالاتىن شىعىستار جالپى ىشكى ءونىمنىڭ 5 پايىزعا دەيىن جەتكىزىلەدى»، - دەدى ول.
ەسكە سالا كەتسەك، وسى جىلدىڭ ماۋسىم ايىندا بۇل تۋرالى ۇكىمەت وتىرىسىندا پرەمەر-ءمينيستردىڭ ءبىرىنشى ورىنباسارى - قارجى ءمينيسترى ءاليحان سمايىلوۆ 2025-جىلعا قاراي ءبىلىم مەن دەنساۋلىق ساقتاۋ سالالارىنا ج ءى ءو- ءنىڭ 10 پايىزىن جۇمساۋ كوزدەلىپ وتىرعانىن ءمالىم ەتكەن ەدى.