كورىپكەل 2023-جىلعا ارنالعان تابيعي اپاتتار تۋرالى بولجام جاسادى

استانا. قازاقپارات - «ەكستراسەنستەر شايقاسى» جەڭىمپازىنىڭ ايتۋىنشا، انوماليالار مەن تابيعي اپاتتار كەيىن شەگىنەر ەمەس.

الەكساندر شەپس teleprogramma.pro سايتىنا بەرگەن سۇحباتىندا 2023-جىلعا بولجام جاسادى، - دەپ حابارلايدى Massaget.kz ءتىلشىسى.

سوڭعى بىرنەشە جىل بويى الەمدە ءتۇرلى كۇتپەگەن جاعدايلار ورىن الىپ جاتىر. الدىمەن كوروناۆيرۋس ەپيدەمياسى تارادى: ءبىز ۇيدەن شىقپاي، باسقالارمەن كەزدەسۋگە قورىقتىق، كوۆيدتىڭ بارلىق تۇرلەرىن زەرتتەدىك. ودان كەيىن رەسەي مەن ۋكراينا اراسىندا سوعىس باستالدى.

ال وسى جىل تابيعي اپاتپەن باستالدى. 6- اقپان كۇنى تۇركيا مەن سيريادا جەر سىلكىنىسى بولدى. ساراپشىلار بۇل دۇمپۋلەردى ءالى دە زەرتتەپ جاتىر. بۇل تۋرالى «ەكستراسەنستەر شايقاسىنىڭ» 14-ماۋسىمىنىڭ جەڭىمپازى الەكساندر شەپس تە ءوز ويىن ءبىلدىردى.

كورىپكەلدىڭ ايتۋىنشا، الەمدەگى كەرنەۋلىك ەندى ويانىپ جاتىر. الەكساندر شەپس ۋاقىت وتە ۇيلەسىمسىزدىك تەك كوبەيە بەرەدى. انوماليالار مەن تابيعي اپاتتار دا كەيىن شەگىنبەيدى.

«مۇنداي قۇبىلىستاردى ادەتتە بولجاۋ وڭاي ەمەس. تەك ءبىر نارسەنى ايتا الامىن: ءبىزدى عالامدىق كاتاكليزمدەر كۇتىپ تۇر. وعان قوسا، مۇلدەم كۇتپەگەن جەرلەردە»، - دەدى الەكساندر شەپس.

سوڭعى كەزدەرى بەيمالىم ۇشاتىن وبەكتىلەردى كورگەنى جايلى حاتتاردى نەمەسە ۆيدەولاردى ءجيى كەزدەستىرۋگە بولادى. كورىپكەل «جاقىن ارادا وزگە عالامشارلىقتارمەن بايلانىس بولا ما» دەگەن سۇراققا جاۋاپ بەردى.

«مەنىڭ ويىمشا، ول باياعىدا-اق بولىپ قويدى»، - دەدى ول.

وسىعان دەيىن ياكۋتيالىق كورىپكەل دە 2023-جىلعا ارنالعان ءوز بولجامىن ۇسىنعان بولاتىن.