قازاقستاندا 2023-جىلى ينفلياتسيا قارقىنى باسەڭدەيدى

None
استانا. قازاقپارات - ەۋرازيالىق دامۋ بانكى 2023-جىلى قازاقستاندا ينفلياتسيا قارقىنى باسەڭدەيتىنىن جاريالادى.

بۇل تۋرالى اتالعان بانكتىڭ 2023-جىلعا ارنالعان ماكروەكونوميكالىق بولجامىن تانىستىرۋ كەزىندە ايتىلدى، دەپ حابارلايدى قازاقپارات ءتىلشىسى.

«ءبىزدىڭ باعالاۋىمىزعا قاراعاندا، ينفلياتسيا 2023-جىلدىڭ باسىنداعى شامامەن 19 پايىزدان 2023-جىلدىڭ جەلتوقسانىندا 8 پايىزعا دەيىن تومەندەيدى. ينفلياتسيا باسەڭدەۋى مۇمكىن، دەگەنمەن ينفلياتسيا تاۋەكەلى ءالى دە جوعارى دەپ ەسەپتەيمىز. بۇعان نەگىزىنەن سىرتقى سەكتور ىقپال ەتەدى. وسىعان وراي قازاقستان ۇلتتىق بانكى بازالىق مولشەرلەمەنى 2023-جىلدىڭ ءبىرىنشى جارتىجىلدىعىندا شامامەن 16 پايىز دەڭگەيىندە ساقتايدى دەپ ويلايمىز. ودان ءارى ينفلياتسيانىڭ تۇراقتى باسەڭدەۋى جاعدايىندا جانە سىرتقى ينفلياتسيالىق قىسىمنىڭ السىرەۋىنە قاراي مولشەرلەمە 2023-جىلدىڭ ەكىنشى جارتىسىندا تومەندەي باستاۋى مۇمكىن»، - دەدى اناليتيكالىق جۇمىس ديرەكتسياسىنىڭ ەلدەر بويىنشا تالداۋ جۇرگىزۋ ورتالىعىنىڭ اعا تالداۋشىسى ايگۇل بەردىعۇلوۆا.

بۇعان دەيىن حابارلانعانداي، بيىل قازان ايىندا ۇلتتىق بانك بازالىق مولشەرلەمەنى %16 دەيىن كوتەردى.

قازان ايىنىڭ قورىتىندىسى بويىنشا ينفلياتسيا 18,8 پايىزعا جەتتى.


سوڭعى جاڭالىقتار