الماتى اكىمدىگى عيماراتىن جوندەۋ 2023 -جىلى اياقتالادى
ءباسپاسوز بريفينگى بارىسىندا جۋرناليستەر اكىمگە الماتىداعى ورتەنگەن پرەزيدەنت رەزيدەنتسياسى جانە اكىمدىك عيماراتىنا قاتىستى سۇراق قويدى.
«رەزيدەنتسيا بۇزىلىپ جاتىر. بۇرىن بۇل نىسان اكىمشىلىك عيمارات بولىپ بەلگىلەنسە، ەندى ونى ساياباق ايماعىنا اۋىستىرۋ قاجەت. اكىمدىككە جاقىن ورنالاسقان ساياباقپەن بىرىكتىرمەكپىز. ول ساتبايەۆ كوشەسىنە دەيىن سوزىلادى»، - دەيدى ەربولات دوسايەۆ.
اكىم قالا قۇرىلىسى كەڭەسىنىڭ مۇشەلەرىمەن ساياباق ايماعىنىڭ جوبالىق- سمەتالىق قۇجاتتاماسى تالقىلاناتىنىن جەتكىزدى.
«ال، عيماراتتى جوندەيتىن بەس كومپانيادان كونسورتسيۋم قۇردىق. ونى بۇزۋدىڭ قاجەتى جوق دەپ ويلايمىن. جۇمىستى جىل اياعىنا دەيىن اياقتايمىز دەپ جوسپارلاعانبىز، ءبىراق كۇردەلى جوبالىق شەشىمدەرگە بايلانىستى كەيىنگە قالدىرىلدى. بۇل عيماراتتىڭ وزىنە ەمەس، مەتالى جانعان كۇمبەزدى زالىنا بايلانىستى. قازقسعزي شاتىردى جەڭىلدەتىپ، جەڭىل ءارى قاۋىپسىز ەتۋدىڭ شەشىمىن تاپتى. اكىمدىكتىڭ جوندەۋ جۇمىستارى كەلەسى جىلى، ياعني 2023 -جىلى ناۋرىز مەيرامىنا دەيىن اياقتالۋى ءتيىس»، - دەدى اكىم.