كابەل- سىم ونىمدەرىنە ۋتيليزاتسيالىق الىم الۋ مەرزىمى 2023 -جىلعا دەيىن شەگەرىلدى

None
None
نۇر- سۇلتان. قازاقپارات - قازىرگى ۋاقىتتا ق ر ەكولوگيا، گەولوگيا جانە تابيعي رەسۋرستار، يندۋستريا جانە ينفراقۇرىلىمدىق دامۋ مينيسترلىكتەرى كابەل- سىم ونىمدەرىنە ۋتيليزاتسيالىق الىم الۋ مەرزىمىن 2023 -جىلعى 1- قاڭتارعا دەيىن شەگەرۋ بويىنشا جۇمىس جۇرگىزۋدە.

بۇل تۋرالى ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ءمالىم ەتتى، دەپ حابارلايدى قازاقپارات.

مەملەكەت باسشىسى ق. توقايەۆتىڭ ۋتيليزاتسيالىق الىم الۋمەن مەملەكەتتىك ۇيىم اينالىسۋى ءتيىس دەگەن تاپسىرماسىن ورىنداۋ ءۇشىن ۇكىمەت ءتيىستى قاۋلى قابىلدادى. وسى قاۋلىمەن «ءو ك م وپەراتورى» ج ش س- نىڭ جارعىلىق كاپيتالىنا ءجۇز پايىز قاتىسۋ ۇلەسى مەملەكەت مەنشىگىنە قابىلدانعانى ايقىندالدى.

مينيستر حابارلاعانداي، وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرىنىڭ جاڭا وپەراتورى رەتىندە مەملەكەتتىڭ % 100 قاتىسۋىمەن «جاسىل دامۋ» اق انىقتالدى. جارعىلىق كاپيتالدا اق- نىڭ باسقا مەنشىك يەلەرى جوق. ۋتيليزاتسيالىق الىم مولشەرلەمەلەرىن قايتا قاراۋ ءۇشىن ۆەدومستۆوارالىق جۇمىس توبى قۇرىلدى، وعان جۇرتشىلىق، بيزنەس جانە مۇددەلى مەملەكەتتىك ورگانداردىڭ وكىلدەرى كىردى.

«27- قاڭتاردا كابەل- سىم ونىمدەرىنە ۋتيليزاتسيالىق الىم مولشەرلەمەلەرىن (كوەففيتسيەنتتەرىن) قايتا قاراۋ ماسەلەسى تالقىلاندى. جۇمىس توبىنىڭ مۇشەلەرى قازىرگى ۋاقىتتا ق ر ەكولوگيا، گەولوگيا جانە تابيعي رەسۋرستار، يندۋستريا جانە ينفراقۇرىلىمدىق دامۋ مينيسترلىكتەرى كابەل- سىم ونىمدەرىنە ۋتيليزاتسيالىق الىم الۋ مەرزىمىن 2023 -جىلعى 1- قاڭتارعا دەيىن شەگەرۋ بويىنشا جۇمىس جۇرگىزىپ جاتقانىن حابارلادى»، - دەدى س. برەكەشيەۆ.

بۇل شەشىم كابەل- سىم ونىمدەرىن يمپورتتاۋشىلارمەن جانە وندىرۋشىلەرمەن تالقىلاۋ كەزىندە قابىلداندى. « اتامەكەن» ۇ ك پ قورىتىندىسىندا ۋتيليزاتسيالىق تولەمدى ىنتالاندىرۋ ەرەجەلەرى مەن ەسەپتەۋ ادىستەمەسىنە تۇزەتۋلەر ۇسىنىلدى. ەكولوگيا مينيسترلىگى ءتيىستى بۇيرىق جوباسىن ازىرلەدى، ول مەملەكەتتىك ورگاندارمەن كەلىسىلۋ ساتىسىندا.

سوڭعى جاڭالىقتار