قازاقستاندا 2023-جىلى مەديتسينالىق قىزمەتكەرلەردىڭ جالاقىسى قانشا ەسە ءوسۋى مۇمكىن؟

None
None
نۇر-سۇلتان. قازاقپارات - ورتالىق كوممۋنيكاتسيالار قىزمەتى الاڭىندا وتكەن ونلاين بريفينگتە ق ر دەنساۋلىق ساقتاۋ ءمينيسترى الەكسەي سوي وتەماقى الاتىن مەديتسينالىق قىزمەتكەرلەردىڭ قاتارى نە سەبەپتى ارتپايتىنىن ايتتى، دەپ حابارلايدى قازاقپارات ءتىلشىسى.

«ءبىز ءاربىر مەديتسينالىق قىزمەتكەرگە وتەماقى بەرگىمىز كەلەدى، ءبىراق مىنا ماڭىزدى ماسەلەنى ەسكەرۋىمىز كەرەك: دارىگەر قابىلداۋىندا بولاتىن ءار ناۋقاس كوروناۆيرۋس ينفەكتسياسىمەن اۋىرمايدى. ەگەر دارىگەر ينفەكتسيالىق ستاتسيوناردا جۇمىس ىستەيتىن بولسا - بۇل جەردە دارىگەرگە تونەتىن قاۋىپ، تاۋەكەل دەڭگەيى مۇلدەم باسقا. مىسالى، دارىگەر وتا جاساپ جاتقان ناۋقاس گەپاتيت نەمەسە ج ي ت س- پەن اۋىرۋى مۇمكىن. بۇل دا دارىگەر ءۇشىن قاۋىپتى. بارلىق دارىگەر گيپپوكرات انتىن بەرۋ ارقىلى ناۋقاستىڭ ءومىرى ءۇشىن كۇرەسىپ، تاۋەكەل ەتۋگە دايىن بولادى. جالپى العاندا، ۇكىمەتتىڭ، مەملەكەت باسشىسىنىڭ قولداۋىمەن مەديتسينالىق قىزمەتكەرلەر ەڭبەگىنە لايىقتى جالاقى الۋعا قول جەتكىزدىك. 2023-جىلى مەديتسينالىق قىزمەتكەرلەردىڭ جالاقىسى 2 ەسە ءوسۋى مۇمكىن»، - دەيدى ق ر دەنساۋلىق ساقتاۋ ءمينيسترى الەكسەي سوي.

ونىڭ ايتۋىنشا، قازاقستاندا جاسالعان وكپەنى جاساندى جەلدەتۋ اپپاراتىنىڭ كەپىلدىك مەرزىمى - 3 جىل.

«مەديتسينالىق قۇرىلعىلارعا قاتىستى زاڭنامالىق دەڭگەيدە بەكىتىلگەن تالاپتار بار. قازاقستاندا جاسالعان وكپەنى جاساندى جەلدەتۋ اپپاراتتارى ەلىمىزدەگى ستاتسونارلاردا سىناقتان ءوتتى. ول ناۋقاستارعا قولدانۋعا جارامسىز جانە اقاۋ بولىپ جاتقان جاعدايدا وندىرۋشىگە قايتارىلادى. جۇقپالى اۋرۋى بار ادامداردى قابىلدايتىن ءاربىر اۋرۋحانادا وكپەنى جاساندى جەلدەتۋ اپپاراتى كەم دەگەندە %15 بولۋى كەرەك دەگەن ۇسىنىس ايتتىق. بۇل نورماتيۆتەردى ورىنداۋ وتە ماڭىزدى. قازىرگى ۋاقىتتا وسىنداي قۇرىلعىلار قوسىمشا ساتىپ الىنىپ، ايماقتارعا جەتكىزىلۋدە»، - دەيدى ول.

ەسكە سالا كەتسەك، بۇعان دەيىن ەلىمىزدە ينفەكتسيالىق جانە پروۆيزورلىق ستاتسيونارلاردا 3379 وكپەنى جاساندى جەلدەتەتىن اپپارات بار ەكەنىن جازدىق. قوسىمشا 2619 دانا وسىنداي اپپارات ساتىپ الىنادى، ونىڭ ىشىندە 1500 اپپارات - وتاندىق ءونىم.

سوڭعى جاڭالىقتار