+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

دارىگەرلەردىڭ جالاقىسى 2023 -جىلعا دەيىن ەكى ەسەگە وسەدى - مينيسترلىك

13 قاڭتار 17:49
:ءبولىسۋ
دارىگەرلەردىڭ جالاقىسى 2023 -جىلعا دەيىن ەكى ەسەگە وسەدى - مينيسترلىك

نۇر- سۇلتان. قازاقپارات - 1 قاڭتاردان باستاپ دارىگەرلەردىڭ جالاقىسى ورتا ەسەپپەن % 30، ورتا مەديتسينالىق قىزمەتكەرلەرىنىڭ ەڭبەكاقىسى % 20 ءوستى.

بۇل تۋرالى ق ر دەنساۋلىق ساقتاۋ مينيسترلىگىنىڭ جاۋاپتى حاتشىسى بوتاگوز جاقسەلەكوۆا ايتتى، دەپ حابارلايدى قازاقپارات ءتىلشىسى.

«2019 -جىلدىڭ قاڭتار ايىندا ەلباسىنىڭ تاپسىرماسىمەن دارىگەرلەردىڭ ەڭ تومەنگى جالاقى مولشەرى ءبىر جارىم ەسەگە - 28 مىڭنان 42 مىڭ تەڭگەگە ءوستى. سونىمەن قاتار، وتكەن جىلدىڭ ماۋسىم ايىندا مەديتسينالىق قىزمەتكەرلەردىڭ جالاقى مولشەرى تاعى % 30 ءوستى. پرەزيدەنتتىڭ 19 - ماۋسىمداعى بۇيرىعىنا سايكەس، 2020 -جىلدىڭ 1 - قاڭتارىنان باستاپ دارىگەرلەردىڭ جالاقىسى ورتا ەسەپپەن % 30، ورتا مەديتسينالىق قىزمەتكەرلەر ەڭبەكاقىسى % 20 ءوستى»، - دەدى ق ر دەنساۋلىق ساقتاۋ مينيسترلىگىنىڭ جاۋاپتى حاتشىسى بوتاگوز جاقسەلەكوۆا مينيسترلىكتە وتكەن جيىندا.

جالاقى تەگىن مەديتسينالىق كەپىلدەندىرىلگەن كومەك شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە قارجىلاندىرىلاتىن دەنساۋلىق ساقتاۋ ۇيىمدارى قىزمەتكەرلەرىنىڭ بىلىكتىلىگىنە بايلانىستى ەسەپتەلەدى.

«سونداي- اق، مىندەتتى الەۋمەتتىك مەديتسينالىق ساقتاندىرۋ جانە قىزمەت جەتكىزۋشى اراسىندا كەلىسىمشارتتار جاسادىق. الداعى ۋاقىتتا ۇجىمدىق كەلىسىمشارتتارعا وزگەرتۋلەر مەن تولىقتىرۋلار ەنگىزىلەدى دەپ كۇتىلۋدە جانە مەديتسينالىق قىزمەتكەرلەرگە جالاقىنىڭ ۋاقىتىلى بەرىلۋى قوعامدىق باقىلاۋعا الىنادى. 2023 -جىلعا دەيىن دارىگەرلەر جالاقىسى كەم دەگەندە ەكى ەسە وسەدى»، - دەيدى ول.

اۆتور زارينا قاھارمان


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات