الەم كۋبوگى-2023: قازاقستاندىق بوكسشىلار 9 مەدال جەڭىپ الدى

استانا. قازاقپارات - قازاقستاندىق بوكسشىلار بۋدۆادا (چەرنوگوريا) وتكەن جاستار اراسىنداعى بوكستان 2023 -جىلعى الەم كۋبوگىندا ونەر كورسەتتى، دەپ حابارلايدى قازاقپارات Sports.kz پورتالىنا سىلتەمە جاساپ.

بۇل تۋرنيردە قازاقستاننىڭ ەرلەر قۇراماسى 9 مەدال جەڭىپ الدى - ءبىر التىن، ەكى كۇمىس جانە التى قولا. قازاقستان اتىنان جالعىز داۋلەت تولەمىسوۆ (80 ك گ) چەمپيون اتاندى. ءاليحان نۇرزاق (75 ك گ) پەن ەرسۇلتان ساپار (+92 ك گ) كۇمىس مەدال ەنشىلەسە، امانات نۇرلىبەك (48 ك گ)، يسلام ماشكەنتايەۆ (51 ك گ)، نۇربەك مۇرسال (67 ك گ)، يسلام سوۆەتوۆ (71 ك گ)، ديحان شايقىبەكوۆ (75 ك گ) پەن نۇرجان دۋمان (92 ك گ) تۋرنيردى «قولامەن» قورىتىندىلادى.

جالپى جاستار اراسىنداعى الەم كۋبوگى-2023 جارىسىنا اۋەلدە قازاقستان كومانداسىنان 12 سپورتشى قاتىسقان بولاتىن، ولاردىڭ ۇشەۋى مەدالعا جەتپەي ءسۇرىندى. ولار: جانسەرى كوشەربايەۆ (54 ك گ)، ونەر سەيىلحان (67 ك گ) جانە سانجار- ءالي بەگاليەۆ (71 ك گ).