نۇر- سۇلتاندا 2023- جىلعا دەيىن جاڭادان 50 مەكتەپ اشىلادى
«ەلوردا حالقىنىڭ سانى جىل سايىن ءوسىپ كەلەدى. بۇل ءوز كەزەگىندە وقۋشىلاردىڭ دا كوبەيۋىنە اسەر ەتەدى. مىسالى بىلتىر 180 مىڭنان اسا وقۋشى بولسا، بيىل 200 مىڭ وقۋشى جاڭا وقۋ جىلىن باستاپ وتىر. ارينە، كەي مەكتەپتەردە وقۋشىنىڭ كوپتىگى سەزىلەدى. اسىرەسە جاڭادان سالىنعان تۇرعىن ۇيلەردىڭ ءبىر اۋداندا كوپ سالىنۋى دا مەكتەپكە دەگەن سۇرانىستى ارتتىرادى»، - دەپ جاۋاپ بەردى نۇر- سۇلتان قالاسىنىڭ ءبىلىم باسقارماسى قازاقپارات اگەنتتىگىنىڭ رەسمي ساۋالىنا.
مەكتەپ جەتىسپەۋشىلىگى ماسەلەسىن شەشۋ ءۇشىن بەس جىلدىققا كەشەندى جوسپار جاسالعان.
«وسى كەشەندى جوسپاردىڭ اياسىندا بيىل 3 جاڭا مەكتەپ اشىلدى. بۇعان قوسا، تاعى ءۇش مەكتەپتىڭ جانىنان قوسالقى قۇرىلىس جۇرگىزىلدى. ياعني، مەكتەپتەردى كەڭەيتتىك. جىل سوڭىنا دەيىن 2 جاڭا مەكتەپ، 3 قوسالقى قۇرىلىس اشىلادى. وسىلايشا 2023 -جىلعا دەيىن بارلىعى 50 مەكتەپ اشىلادى دەپ جوسپارلاپ وتىرمىز»، - دەدى باسقارمادان.
اۆتور: ايان بەكەن ۇلى