ۇكىمەت ۇيىندە ەلدىڭ 2023-2027-جىلدارعى الەۋمەتتىك-ەكونوميكالىق دامۋ بولجامى تالقىلاندى

نۇر-سۇلتان. قازاقپارات – ق ر پرەمەر-ءمينيسترى ءاليحان سمايىلوۆ ەكونوميكالىق ساياسات جونىندەگى كەڭەستىڭ وتىرىسىن وتكىزدى.

وتىرىس بارىسىندا 2023-2027-جىلدارعا ارنالعان الەۋمەتتىك-ەكونوميكالىق دامۋ بولجامىن قالىپتاستىرۋ ماسەلەلەرى تالقىلاندى.

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.

اتالعان تاقىرىپ بويىنشا ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى تيمۋر سۇلەيمەنوۆ، پرەمەر-ءمينيستردىڭ ورىنباسارى - قارجى ءمينيسترى ەرۇلان جاماۋبايەۆ، ۇلتتىق ەكونوميكا ءمينيسترى الىبەك قۋانتىروۆ، ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ جانە تاعى باسقالار ءسوز سويلەدى.

تالقىلاۋدى قورىتىندىلاي كەلە، ءاليحان سمايىلوۆ ۇكىمەت وتىرىسىنا شىعارۋ ءۇشىن ۇلتتىق ەكونوميكا مينيسترلىگىنە مۇددەلى مەملەكەتتىك ورگاندارمەن بىرلەسىپ ەلدىڭ دامۋ بولجامى مەن بيۋجەت پارامەترلەرىن پىسىقتاۋدى تاپسىردى.