سەنات دەپۋتاتتارىن سايلاۋ 2023 -جىلعى 14- قاڭتاردا وتەدى
«قازاقستان رەسپۋبليكاسى كونستيتۋتسياسىنىڭ 44-بابىنىڭ 2) تارماقشاسىنا، «قازاقستان رەسپۋبليكاسىنداعى سايلاۋ تۋرالى» 1995 -جىلعى 28- قىركۇيەكتەگى قازاقستان رەسپۋبليكاسى كونستيتۋتسيالىق زاڭىنىڭ 69-بابىنا سايكەس قازاقستان رەسپۋبليكاسى پارلامەنتى سەناتىنىڭ دەپۋتاتتارى وكىلەتتىكتەرىنىڭ كونستيتۋتسيالىق مەرزىمى 2023 -جىلى اياقتالاتىنىنا بايلانىستى قاۋلى ەتەمىن:
1. قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋ 2023 -جىلعى 14 -قاڭتارعا تاعايىندالسىن.
2. قازاقستان رەسپۋبليكاسىنىڭ ۇكىمەتى، استانا، الماتى جانە شىمكەنت قالالارىنىڭ، وبلىستاردىڭ اكىمدەرى قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى ۇيىمداستىرۋشىلىق، ماتەريالدىق- تەحنيكالىق جانە قارجىلىق قامتاماسىز ەتۋ جونىندە شارالار قابىلداسىن.
3. وسى جارلىق جاريالانعان كۇنىنەن باستاپ قولدانىسقا ەنگىزىلەدى» دەلىنگەن جارلىقتا.
ايتا كەتەيىك، بۇعان دەيىن پرەزيدەنت سەنات دەپۋتاتتارىن سايلاۋ تۋرالى جارلىققا قول قوياتىنىن جازعان ەدىك.