قاتار-2022: يسپانيا قۇراماسىنىڭ باس باپكەرى اۋىستى
8 جەلتوقسان, 22:30

قاتار-2022: يسپانيا قۇراماسىنىڭ باس باپكەرى اۋىستى

استانا. قازاقپارات - قاتاردا فۋتبولدان ءوتىپ جاتقان الەم چەمپيوناتىنا قاتىسقان يسپانيا قۇراماسىنىڭ باس باپكەرى اۋىستى، دەپ حابارلايدى قازاقپارات ءتىلشىسى.

يسپانيا فۋتبول فەدەراتسياسىنان ءمالىم ەتكەنىندەي، ۇلتتىق قۇراما تىزگىنىن يسپانيالىق مامان لۋيس دە لا فۋەنتە ۇستادى.

بۇعان دەيىن دە لا فۋەنتە يسپانيا جاس وسپىرىمدەر جانە جاستار قۇراماسىن جاتتىقتىرعان.

مامان ءوز قىزمەتىنە قاتارداعى الەم چەمپيوناتى اياقتالعاننان كەيىن كىرىسەدى. جاڭا باس باپكەر كومانداسىن الداعى جىلى ناۋرىز ايىندا 2024-جىلعى ەۋروپا بىرىنشىلىگىنىڭ ىرىكتەۋ ساتىسىندا نورۆەگيا مەن شوتلانديامەن وتەتىن ماتچتارعا دايىندايتىن بولادى.

لۋيس دە لا فۋەنتەنىڭ باسشىلىعىمەن يسپانيا قۇراماسى 2020-جىلعى توكيو وليمپياداسىنىڭ كۇمىس جۇلدەگەرى اتانعان ەدى.

بۇعان دەيىن باس باپكەر مىندەتىن تاعى ءبىر يسپانيالىق لۋيس ەنريكە اتقارعان بولاتىن. يسپانيا قۇراماسى 1/8 فينالدا ماروككودان پەنالتي سەرياسىندا جەڭىلىپ قالعاننان كەيىن ل. ەنريكە مەن باپكەرلەر شتابى تۇگەلدەي كەتتى.

ەسكە سالا كەتەيىك، بۇدان بۇرىن اراب ەلدەرىنىڭ ماروككونىڭ جەڭىسىن تويلاپ جاتقانىن جازعان بولاتىنبىز.

جاڭالىقتار